بيىل 20 قاراشادا پرەزيدەنت سايلاۋىنا قاتىساتىن ۇمىتكەرەر قازاقشانى ەركىن مەڭگەرگەن بولۋى ءتيىس. ونى انىقتاۋ ءۇشىن ارنايى لينگۆيستيكالىق كوميسسيا قۇرىلادى.

«قازاقستان پرەزيدەنتتىگىنە كانديداتتىڭ مەملەكەتتىك ءتىلدى جەتىك مەڭگەرۋى قر كونستيتۋتسياسىنىڭ 41-بابى بويىنشا لينگۆيستيكالىق كوميسسيانىڭ قاۋلىسىمەن انىقتالادى. وسك-نىڭ وسى ماسەلە بويىنشا قۇزىرەتى «قر-داعى سايلاۋ تۋرالى» كونستيتۋتسيالىق زاڭنىڭ 54-بابى 2-تارماعىندا كورسەتىلگەن. ناقتىراق ايتقاندا، وسى باپقا سايكەس، كونستيتۋتتسيانىڭ 41-بابىنىڭ 2-تارماعىن رەسمي ءتۇسىندىرۋ تۋرالى كونستيتۋتسيالىق كەڭەستىڭ شەشىمى بويىنشا مەملەكەتتىك ءتىلدى بىلۋدەگى كانديداتتىڭ بىلىكتىلىگىن انىقتاۋ ورتالىق سايلاۋ كوميسسياسىنىڭ شەشىمىمەن ايقىندالادى. قر كونستيتۋتسياسىنىڭ 41-بابى 2- تارماعىن رەسمي ءتۇسىندىرۋ تۋرالى كونستيتۋتسيالىق كەڭەستىڭ 1998 جىلعى 9 قازانداعى №280 قاۋلىسىنا سايكەس، قر كونستيتۋتسياسىنىڭ 41-بابى 2-تارماعى نورماسىنىڭ مەملەكەتتىك ءتىلدى ەركىن مەڭگەرگەن دەگەن بولىگىندە «قازاق تىلىندە ساۋاتتى تۇردە وقيدى، جازادى، ءوز ويىن قينالماي وڭاي جەتكىزەدى جانە كوپشىلىك الدىندا سويلەي الادى» دەپ ايتىلعان»، - دەدى قر ورتالىق سايلاۋ كوميسسياسىنىڭ حاتشىسى مۇحتار ەرمان.

لينگۆيستيكالىق كوميسسيا قۇرامىندا 5 مامان بولادى. پرەزيدەتتىككە ۇمىتكەر ادام 2 بەتتەن اسپايتىن جازباشا تاپسىرما ورىندايدى، 3 بەتتەن اسپايتىن ءماتىندى وقيدى جانە كوپشىلىك الدىندا 15 مينۋتتان كەم ەمەس ۋاقىت ءسوز سويلەيدى.

Abai.kz