Beeline قازاقستان پروۆايدەرىنىڭ Simply تسيفرلى كارتالارىن قولدانۋشىلار 30 قىركۇيەكتەن باستاپ سانكتسيا ەنگىزىلگەن ەلدەر ازاماتتارىنىڭ كارتالارىنا قىزمەت كورسەتىلمەيتىنى تۋرالى ەسكەرتۋ الدى.

بۇل تۋرالى Besmedia telegram-ارناسى قارجى ساراپشىسى اندرەي چەبوتارەۆ پەن باسقا دا كارتا يەلەرىنە سىلتەمە جاساي وتىرىپ حابارلادى.

"وكىنىشكە قاراي، 30 قىركۇيەكتەن باستاپ سانكيا ەنگىزىلگەن ەلدەردىڭ ازاماتتارى قوسىمشا مەن كارتانى ساۋدا جاساۋعا، اقشا اۋدارۋعا جانە باسقا دا قارجى وپەراتسيالارى ءۇشىن قولدانا المايدى", - دەپ جازىلعان Simply كارتاسىن قولدانۋشىلار العان ەسكەرتۋ حابارىندا.

الايدا Beeline مەن Simply سايتتارىندا رەسمي مالىمەت ءالى جاريالانعان جوق.

Simply — بانك قىزمەتىن الۋعا مۇمكىندىك بەرەتىن قاراپايىم پلاستيك كارتا. مۇنداي كارتانى Beeline كومپانياسىنا قاراستى "قازەۆروموبايل" شىعارادى.

27 قىركۇيەكتە Beeline قازاقستان بايلانىس وپەراتورى 5 قازاننان باستاپ "TV+ۇيدەگى ينتەرنەت" پاكەتىنەن جانە BeeTV سەرۆيسىنەن رەسەيلىك تەلەارنالاردى الىپ تاستايتىنىن حابارلادى.

Abai.kz