الماتى قالالىق سوتى ەكس-پرەزيدەنت نۇرسۇلتان نازارباەۆتىڭ تۋعان ءىنىسى بولات نازارباەۆ يەلىك ەتەدى دەيتىن جشس جەكەشەلەندىرىپ العان بازاردىڭ الىپ-ساتۋ قۇجاتتارىن جارامسىز دەپ تانىدى. اڭگىمە «بارىس-4» بازارى تۋرالى بولىپ وتىر، - دەپ جازادى Abai.kz پورتالى malim.kz-كە سىلتەمە جاساپ. 

«سوت «نايزا-بن» جشس-نىڭ جارعى كاپيتالىنداعى مەملەكەتتىك ۇلەستى الىپ-ساتۋ كەلىسىمىن جارامسىز دەپ تانۋ تۋرالى تالاپتى قاناعاتتاندىرۋ تۋرالى شەشىم  قابىلدادى.

پروكۋرور جولداعان تالاپقا مەملەكەتتىك ۇلەستى زاڭدى تۇلعانىڭ جارعى كاپيتالىنا جەكەشەلەندىرۋ كەزىندە وكىلەتتى مەملەكەتتىك ورگاننىڭ زاڭسىز جەڭىلدىگى سەبەپ بولعان»،- دەپ حابارلادى الماتى قالالىق سوتىنىڭ ءباسپاسوز قىزمەتى الەۋمەتتىك جەلىدە.

سوت انىقتاماسى كەزىندە يسكتە كەلتىرىلگەن دالەلدەر راستالعان. وكىلەتتى ورگاننىڭ وكىلى جەكەشەلەندىرۋدى تومەندەتىلگەن باعامەن جۇرگىزىلگەنىن، مويىنداعان. «بارىس-4» كوتەرمە بازارىن نازارباەۆقا قاتىسى بار جشس وتە تومەن باعادا ساتىپ العاندىقتان، ەندى ول مەملەكەت مەنشىگىنە قايتارىلىپ، كوپ ۇزاماي اكتسيونعا شىعۋ كەرەك.

تالاپتى الماتى قالالىق پروكۋراتۋراسى جولداعان، سوت شەشىمى كەشە شىققان، ءالى زاڭدى كۇشىنە ەنگەن جوق.

جالپى، «بن» دەگەن انىقتاماسى بار كومپانيالاردىڭ نەگىزگى ۇلەسكەرى بولات نازارباەۆ ەكەنىن قارجى مينيسترلىگى بۇعان دەيىن دە حابارلاعان.

Abai.kz