بۇل تۋرالى قازاقستان رەسپۋبليكاسى پرەزيدەنتى جانىنداعى قسزي ساراپشىسى ۆياچەسلاۆ دودونوۆ مالىمدەدى.

قاتار ءامىرى مەملەكەتتىك ساپارى بارىسىندا ءتۇرلى سالاداعى ارىپتەستىككە جول اشاتىن 12 قۇجاتقا قول قويدى. ەكونوميكا سالاسىنداعى ارىپتەستىكتى نىعايتۋعا باعىتتالعان قۇجاتتار قاتارىنان ءبىرىنشى كەزەكتە قازاقستان رەسپۋبليكاسىنىڭ ۇكىمەتى مەن قاتار مەملەكەتىنىڭ ۇكىمەتى اراسىنداعى ينۆەستيتسيالاردى ىنتالاندىرۋ جانە ءوزارا قورعاۋ تۋرالى كەلىسىم مەن قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى مەن قاتار مەملەكەتىنىڭ ساۋدا جانە يندۋستريا مينيسترلىگى اراسىنداعى ساۋدا سالاسىنداعى ءوزارا تۇسىنىستىك تۋرالى مەموراندۋمدى اتاپ وتكەن ءجون، - دەدى ۆياچەسلاۆ دودونوۆ.

ايتۋىنشا، ينۆەستيتسيالىق ارىپتەستىكتەن كۇتەتىن ءۇمىت زور.

ينۆەستيتسيالىق ارىپتەستىك الەۋەتىنىڭ كەلەشەگى ايقىن دەپ باعالاۋعا بولادى. قاتار قازاقستان ءۇشىن شەتەلدىك ينۆەستور رەتىندە ەكونوميكانىڭ اۋىل شارۋاشىلىعى، ەنەرگەتيكا سەكتورى، وڭدەۋ ونەركاسىبى سىندى سالالارىندا ايرىقشا ماڭىزعا يە. قازىرگى ۋاقىتتا ەلىمىزدە قاتاردان ينۆەستيتسيا جوق، ولاردىڭ كولەمى 30 ملن دوللاردان كەم. قاتارعا قازاقستاننىڭ ينۆەستيتسياسى 450 ملن دوللاردان اسادى. بۇل سالادا ارىپتەستىك الەۋەتى اۋقىمدى جانە ونىڭ ساۋدا سالاسىندا ىسكە اسىرىلۋى قىسقا مەرزىمدە بىرنەشە ەسە ارتۋىنا اكەلۋى مۇمكىن، - دەپ اتاپ ءوتتى قسزي قىزمەتكەرى.

سونداي-اق ول ەلدەگى بۇگىنگى ساياسي وقيعانىڭ ەكى مەملەكەتكە نە بەرەتىنىنە توقتالدى.

قاتاردىڭ ءامىرى شەيح ءتاميم بەن حاماد ءال ءتانيدىڭ قازاقستانعا مەملەكەتتىك ساپارى مەن ونىڭ بارىسىندا قول قويىلعان قۇجاتتار ەكى مەملەكەتتىڭ ارىپتەستىگىنىڭ جوعارى الەۋەتىن ىسكە اسىرۋعا جانە الەۋمەتتىك-ەكونوميكالىق دامۋدى جىلدامداتۋعا ىقپال ەتەدى، - دەدى ساراپشى.

Abai.kz