جۇما, 29 ناۋرىز 2024
46 - ءسوز 2489 10 پىكىر 18 قازان, 2022 ساعات 13:34

بورجوميدەگى "سوعىس"

بۇگىن قىزىق جاعداي بولدى. مينەرال ۆاننانىڭ كەزەگىن كۇتىپ وتىرعامىز. ءبىر ورىس ازاماتى كوريدوردان ءارلى-بەرلى وتكەن مەدبيكەلەرگە قايتا-قايتا "گامارجاۆا، گامارجاۆا" دەپ امانداسا بەرگەن.

وسىنى سىرتتاي باقىلاپ وتىرعان ءبىر قازاق ايەلى:
- قايدان كەلدىڭىز؟ - دەپ سۇرادى الگىدەن.
- قازاقستاننان.
- قازاقستاندا كوپتەن تۇراسىز با؟
- 20 جىل بولدى.
- قازاقشا بىلەسىز بە؟
- بىلمەيمىن.
- ون كۇنگە كەلىپ تۇرىپ گرۋزيندەرمەن گرۋزينشە امانداساسىز، 20 جىل قازاقتىڭ نانىن جەپ، سۋىن ءىشىپ وتىرىپ، ءبىر اۋىز قازاقشا بىلمەيسىز! نەگە؟
سويتسە الگى ورىس:
- قازاقستان مەن رەسەي - ءبىر ەل. قاي تىلدە سويلەسەك تە ءبارىبىر ەمەس پە، - دەگەنى.
جۇرەگىم تاس توبەمە شىعىپ، وتىرعان ورنىمنان ىرشىپ كەتەر جازدادىم. انا ايەلدىڭ قانى باسىنا شاپتى بىلەم:
- نە وتتاپ وتىرسىڭ؟ قايداعى ءبىر ەل؟ قازاقستان ءوزالدىنا تاۋەلسىز مەملەكەت ەكەنىن بىلمەيتىن بە ەدىڭ، الدە بىلگىڭ كەلمەي مە؟
ارى قاراي ەكى جاقتىڭ "سوعىسى" باستالدى دا كەتتى. مەن دە ءبىر جاعىنان اتويلاپ كىرىسە كەتكىم كەلىپ، زورعا شىداپ وتىرمىن.
- اگرەسسيۆنايا جەنششينا!
- مەن ەمەس، سەن اگرەسسور! باسقىنشىسىڭ!
ءتىل ماسەلەسىنەن باستالعان ەگەس گەوساياساتقا ۇلاستى. ايتىلماعان ءسوز قالمادى. انا ورىستىڭ توقتايتىن ءتۇرى جوق. ءبىراتولا ءۇنىن وشىرەيىن دەدى مە، ءبىر ۋاقىتتا:
- قازىر ۆانناعا كىر، ەي بوگۋ، مەن سەنى ءبورجوميدىڭ مينەرال سۋىنا تۇنشىقتىرىپ ولتىرەم! - دەگەنى انا ايەل.
ۆاننالاردىڭ اراسى پەردەمەن عانا ءبولىنىپ تۇر.
- مەن ساعان كومەكتەسەم! - دەدىم قىزىپ كەتىپ.

مۇنى ەستىگەن ورىستىڭ قۇيرىعى ءبىر ۋىس بولدى. مەدپەرسونال اتاۋلىنىڭ قۇتى قاشتى. انا ايەل ەكەۋمىزدى ەركىمىزگە قويسا انا ورىستى شىنىمەن دە تۇنشىقتىرىپ ولتىرەتىندەي ەدىك.
قۇرسىن دەپ شوشىعان بولۋ كەرەك، كەزەكتەرى كەلگەندە انا ايەل مەن ورىستى ءبىر قاتارداعى ۆانناعا جىبەرمەي، ەكى جاقتاعى ۆانناعا كىرگىزدى.

PS: گرۋزيندەر "وتان" دەگەن ويدان باسقانىڭ ءبارىن ەكىنشى پلانعا ىسىرىپ قويۋدى ەرلىك دەپ تۇسىنەدى ەكەن.
"ەرلىك" دەگەن ءسوزدى قازاقتار قالاي ۇعاتىن بولدى ەكەن؟

 

گۇلماريا بارمانبەكوۆا

Abai.kz

10 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3559