شارم ەل-شەيحتەگى وتەلدە توقتاعان سيۋت-بولمەمىزدىڭ ەسىگىنە وسى بولمەدە كەزىندە تۇركيا پرەزيدەنتى سۇلەيمەن دەميرەل تۇرعانى تۋرالى جازىپ قويىپتى. جاقسىلىققا ىرىمدايتىن حالىقپىز عوي. قازاق پەن تۇرىك ەلىنىڭ ەتەنە جاقىن دوستىق قارىم-قاتىناستىڭ ورناۋىنا ولشەۋسىز ۇلەس قوسقان جاننىڭ ءبىرى وسى سۇلەيمەن دەميرەل.

قازاقستان تاۋەلسىزدىگىن ەندى العان تۇستا سۇلەيمەن دەميرەل قازاقستانعا 1 ميلليارد دوللار كولەمىندە نەسيە الىپ بەرەدى. ول كەزدە جاڭادان قۇرىلعان ەلگە قارىزدى كىم بەرە قويسىن؟ ونداي اقشا وزىندە دە بولماعان سوڭ، تۇركيا وزگەدەن قارىز الادى. ەگەر قازاقستان ۋاقىتىندا تولەي الماسا، ءوزىمىز وتەيمىز دەگەن شارتقا دەميرەل قول قويادى. العاشقى قارىزدى قازاقستان ءوزى وتەيدى. ءسويتىپ شەتەلدىك ينۆەستورلاردىڭ سەنىمىنە كىرۋىمىزگە مۇرىندىق بولعان وسى دەميرەل.

قازاقستاننىڭ ءبىلىم سالاسىنا، اسىرەسە جوعارعى ءبىلىم سالاسىنا دا ۇلەسى زور تۇلعا. تۇركىستانداعى قازاق-تۇرىك ۋنيۆەنسيتەتىنىڭ، الماتىداعى سۇلەيمەن دەميرەل ۋنيۆەرسيتەتىنىڭ ىرگەتاسىن قالاعان دا وسى كىسى.

دانەش بايبولاتوۆ

Abai.kz