وتكەندە ەكىباستۇزدىڭ تەتس-نا قىرىلىپ ءجۇرىپ كىرىپ الدىق! مامانى بولماعان سوڭ ءبىزدى الداۋ وڭايعا سوقتى...

سوندا ۇلكەن لاۋازىمداعى ءبىر كىسى "ۆيدەو، ديكتوفون جوق پا؟" دەپ، قاراپ قويىپ اڭگىمەسىن ايتتى. مىناۋ كورىپ تۇرعان تەتس قازاقستان بويىنشا ەداۋىر جاعدايى جاقسى ستانتسيالاردىڭ ءبىرى دەدى...

كەيىن، سول جەردە ءبىر تسەحتىڭ بريگاديرى حابارلاستى. ءبىزدى وتىرىك، ەڭ جاقسى جەرلەرمەن جۇرگىزىپ شىققان ەكەن. ۆيدەولاردى كورسەتتى، ءوزىنىڭ تىلىندە پروبلەمالاردى ءتۇسىندىرىپ شىقتى. تەتس راسىمەن اپاتتىق جاعدايدا ەكەن. اۋباستاعى ورىنباساردىڭ "نورمالنىي تەتس-تاردىڭ ءبىرى" دەگەنىن ەسكەرسەك، بريگاديردىڭ ايتقانىمەن ارالاستىرىپ، قورىتىندىلاپ ويلايتىن بولساق، ياعني ەلدەگى تەتس-تاردىڭ بارلىعى اپاتتىق جاعدايدا دەگەن ءسوز...

"ەكسپو 2017" كورمەسىنىڭ ورنىنا جاڭا تەتس-تار سالعان پايدالىراق ەدى... سەبەبى ءبىزدىڭ ەلدە ازىرگە جاسىل ەنەرگيا تۋرالى ايتۋ - ابسۋرد!

30 جىلدا ەشقانداي جاڭا تەتس سالىنباعان دەيدى عوي... "كۇردەلى جوندەۋ" دەگەن جەلەۋمەن اقشا جەيتىن "ستراتەگيالىق نىسانعا" اينالدىرىپ العان...
دەپۋتاتتار مەن پرەمەردىڭ كوزىن باقىرايتىپ قويىپ، "الساڭدار 1 تەڭگەگە ساتا الامىن" دەپ، كلەبانوۆتىڭ شىرەنىپ وتقانى دا سول. سەبەبى، ەكىباستۇزداعى تەتس-تا 10 قازاندىق بار ەكەن. ونىڭ بەسەۋى رەزەرۆتىق... سول ءار قازاندىقتى كۇردەلى جوندەۋدەن وتكىزۋ ءۇشىن ورتا ەسەپپەن 500 ملن₸ كەتەدى ەكەن. ال جىلىنا ول جەرگە ونداي اقشا قۇيۋ وتە ءتيىمسىز... سول ءۇشىن تەتس-تاردى جاڭارتۋ كەرەك...

نەگىزى تەتس-تان گورى گاز جۇيەسىندەگى جىلۋ بارلىق جاعىنان پايدالىراق قوي. بىراق، ەكىباستۇزداعى تەتس-ءتى جابۋ ءۇشىن، كومىر كەنىندەگى جۇمىسكەرلەردى تاعى ويلاۋ كەرەك...

وسىنى ستراتەگيالىق بەس جىلدا رەتتەۋگە بولاتىن دۇنيە. ونى جاسامايدى... سەبەبى ەلدى قانپەزەر مونوپوليستتەر جاۋلاپ العان. ەلدىڭ سورىن اعىزىپ تۇرىپ سول كومىر بىتكەنشە تاۋەلدى قىلىپ قويادى... تەتس-تارعا دا سول جەردىڭ كومىرلەرى ساتىلادى... قالعانىن كەيىن... وتە ۇزاق... تاۋسىلمايتىن پروبلەمالارعا شىرمالىپ قالعان عوي...

ءبىر پروبلەما قوزعاي قالساڭ، تاۋىسىپ بولمايسىڭ عوي... بىزدە تەك تەتس-تار عانا ەمەس، تۇتاس مەملەكەت اپاتتىق جاعدايدا نەگىزى...

سەمەيدى دە جىلۋ جيناپ حالىق بولىپ، ءوزىمىز الىپ شىعاتىن شىعارمىز... سوندا بىزگە مىنا ۇكىمەت پەن جۇيە نە ءۇشىن كەرەك؟ پروبلەما تۋدىرماسا، پروبلەما شەشپەيدى عوي ءبارى ءبىر...

سەرىك حاسەنوۆ

Abai.kz