رەسەيدىڭ قازاقستانداعى وكىلەتتى ەلشىسى الەكسەي بوروداۆكين: ء“اربىر قازاقستاندىق ەكى اياقتا نىق تۇرۋى ءتيىس: ءبىرى مەملەكەتتىك ءتىل – قازاق ءتىلى، ەكىنشىسى، قازاقستان كونستيتۋتسياسىندا كورسەتىلگەندەي رەسمي ءتىل –ورىس ءتىلى. بۇل ەكى اياقتىڭ ەكەۋى دە بىردەي بولعان جاعدايدا عانا العا قادام باسا الاتىنىن ەسكەرۋ كەرەك”-دەيدى.

ء"جا" دەلىك بۇعان دا - ونسىز دا ءاربىر قازاقتا "ەكى اياق" بار. ال، قازىرگى قازاق جاستارىندا، تىپتەن، ء"ۇش-ءتورت اياقتان" بار!

ەندەشە، ءبىزدىڭ ەلىمىزدە "جالعىز اياقپەن", ال، قولى جەتكەنى "جالعىز اياققا بالداق قوسىپ" جۇرگەندەر كىمدەر؟

مىنە، رف ەلشىسى سولارعا ايتىپ وتىر ما دەيمىن: "ەكى اياقتارىڭ بولسىن" دەپ...
ال، ولاردىڭ ء"بىر اياقپەن" (ورىسشاسى) شوشاڭداپ سەكىرىپ، وعان ابدەن ۇيرەنىپ قالعانى سونشالىق: ء"ما ساعان تاعى ءبىر اياق، تەگىن بەرەيىك" (قازاق ءتىلى) دەسەڭ دە المايدى عوي!...

ەندى قايتتىك؟

ەندى مۇنىمەن ء"تىل پوليتسياسى اينالىسسىن" دەگەندەي مە ەلشى مىرزا...
پوليتسيا ولاردىڭ بالداقتارىن لاقتىرىپ، ولارعا "تاعى ءبىر اياق" (قازاق ءتىلى) سالىپ بەرمەسە شارۋا بىتەر ەمەس...

ال، ەلشىگە ايتارىمىز مىناۋ: ءسىزدىڭ مىندەتىڭىز تاۋەلسىز ەل تۇرعىندارىنىڭ "اياقتارىن ساناۋ" ەمەس.

ءسىزدىڭ مىندەتىڭىز - رەسەي مەن قازاقستان اراسىندا بەيبىتشىلىك بولۋىن، تاتۋلىق بولۋىن قامتاماسىز ەتۋ.

اياقتاردى ءوزىمىز ساناپ الا جاتارمىز...

ءابدىراشيت باكىرۇلى

Abai.kz