تاتنەفت جانە AllurTyres كومپانيالارىنىڭ بىرلەسكەن كاسىپورنىنىڭ العاشقى ءونىمىن شىعارۋ قاراعاندى وبلىسىنىڭ ساران قالاسىندا قر پرەمەر-ءمينيسترىنىڭ ءبىرىنشى ورىنباسارى رومان سكلياردىڭ، تاتارستان رەسپۋبليكاسىنىڭ پرەزيدەنتى رۋستام ميننيحانوۆتىڭ جانە تاتنەفت كومپانياسىنىڭ باس ديرەكتورى نايل ماگانوۆتىڭ قاتىسۋىمەن ءوتتى.

جاڭا زاۋىت رەكوردتىق مەرزىمدە 16 اي ىشىندە سالىندى. جوباعا سالىنعان ينۆەستيتسيانىڭ جالپى كولەمى 171 ميلليارد تەڭگەدەن اسادى. كاسىپورىننىڭ وندىرىستىك قۋاتى جىل سايىن 3,5 ملن كوپ بەيىندى شيناعا يە، وندا 1100-دەن استام مامان جۇمىس ىستەيدى. قازاقستاندىق ينجەنەرلەردى وقىتۋ نيجنەكامسك قالاسىنداعى شينا شىعاراتىن كاسىپورىنداردا وتەدى.

«بۇل ءوندىرىس ءبىزدىڭ ونەركاسىپتى دامىتۋ ءۇشىن دە، مونوقالالاردى دامىتۋ ءۇشىن دە وتە ماڭىزدى. ويتكەنى، ساران قالاسىنىڭ مىڭنان استام تۇرعىنى بۇل وندىرىستە جۇمىسپەن قامتىلادى. ايتا كەتۋ كەرەك، بۇل اۆتوموبيل ونەركاسىبىنىڭ دە، اۆتوكولىك جۇرگىزۋشىلەرىنىڭ دە سۇرانىسىن وتەيتىن شينا ونىمدەرىن شىعاراتىن وتاندىق العاشقى كاسىپورىن»، - دەپ اتاپ ءوتتى سكليار.

KamaTyresKZ قر اۆتوموبيل ءوندىرىسىن وقشاۋلاۋ دەڭگەيىن ارتتىرۋعا مۇمكىندىك بەرەدى. ونىمدەر اۆتوموبيلدەردىڭ باستاپقى جيىنتىعىنا، سونداي-اق قايتالاما نارىق پەن ەكسپورتقا باعىتتالاتىن بولادى. ايتا كەتەتىن جايت، بۇل قازاقستانداعى شينالار شىعاراتىن جالعىز زاۋىت، بۇعان دەيىن وسىنداي ءونىم يمپورتتالعان بولاتىن.

Abai.kz