اقبوكەندەردى اتۋعا تىيىم سالعان موراتوري مەرزىمى 2023 جىلعا دەيىن ۇزارتىلماق. بۇل تۋرالى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ ايتتى.

«بۇگىن ءبىز اقبوكەندەردى اتۋعا قاتىستى ءموراتوريدى ۇزارتۋدى ۇسىندىق. ەگەر ءبىزدىڭ ۇسىنىسىمىز قابىلدانسا، 2023 جىلدىڭ سوڭىنا دەيىن اقبوكەندەردى اتۋعا تىيىم سالىنادى. ياعني، كەلەسى جىلى اقبوكەندەردى اتپايمىز", - دەدى برەكەشەۆ.

ەستەرىڭىزگە سالا كەتەيىك، ماۋسىم ايىنىڭ سوڭىندا ەكولوگيا ءمينيسترى اقبوكەندەردىڭ سانىن رەتتەۋ ءۇشىن 80 مىڭ دالا جانۋارىن اتۋ تۋرالى تۇپكىلىكتى شەشىم قابىلدانعانىن ايتقان بولاتىن. سەبەبى، اقبوكەندەردىڭ سانى كوبەيىپ، جايىلىمدار مەن ەگىس القاپتارىن بۇلدىرە باستاعان. 1 قازاننان باستاپ 500 باس اقبوكەن اتىلادى دەپ جوسپارلانعان ەدى. الايدا پرەزيدەنت قاسىم-جومارت توقاەۆ بۇل شەشىمدى نەگىزسىز دەپ ساناپ، برەكەشەۆكە سوگىس جاريالادى.

پرەزيدەنت وعان "بۇل ماسەلەگە كاسىبي تۇرعىدان قاراۋعا" تاپسىرما بەردى. كەيىنىرەك، شىلدە ايىندا سەرىكقالي برەكەشەۆ اقبوكەندەر پوپۋلياتسياسىنداعى ەكوجۇيەلەردى باعالاۋ بويىنشا زەرتتەۋگە قاراجات سۇراعانىن، بىراق قارجى بولىنبەگەنىن ايتتى. ءبىر ايدان كەيىن مينيستر بۇل ماسەلە بويىنشا تۇپكىلىكتى شەشىم قازان ايىندا قابىلداناتىنىن ايتتى، بىراق ۆەدومستۆو ونى ءالى كۇنگە دەيىن جاريالاماعان.

Abai.kz