«اق جول» پارتياسى ازاماتتاردىڭ 10 سوتىق تەگىن جەر تەلىمىن الۋ قۇقىعىن قورعايدى - بۇل تۋرالى «اق جول» فراكتسياسىنىڭ دەپۋتاتى الماس تۇرتاەۆ سارسەنبىدە ءماجىلىستىڭ پلەنارلىق وتىرىسىندا مالىمدەدى.
پارلامەنت ءماجىلىسىنىڭ قاراۋىنا تۇسكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى رەسپۋبليكالىق ماڭىزى بار قالالار - استانا مەن الماتىنىڭ جانە وبلىس ورتالىقتارىندا جەكە تۇرعىن ءۇي قۇرىلىسىنا جەر تەلىمدەرىن بەرۋدى قىسقارتۋدى قاراستىرادى.
قازىرگى قولدانىستاعى قازاقستان رەسپۋبليكاسىنىڭ جەر كودەكسىنە سايكەس، قازاقستان رەسپۋبليكاسىنىڭ ازاماتتارىنا جەكە مەنشىككە قوسالقى شارۋاشىلىق، باعباندىق، ساياجاي قۇرىلىسى ءۇشىن ءارتۇرلى كولەمدەگى جەر تەلىمى تەگىن بەرىلەدى. جەكە تۇرعىن ءۇي قۇرىلىسى ءۇشىن تەگىن 10 سوتىق ءبولۋ قاراستىرىلعان.
سونىمەن قاتار، قازاقستان رەسپۋبليكاسىنىڭ «جەكە تۇرعىن ءۇي قۇرىلىسى تۋرالى» زاڭىنا جانە جەر تۋرالى زاڭناماعا سايكەس قازاقستان رەسپۋبليكاسىنىڭ ءاربىر ازاماتى، ءوزىنىڭ تۇراقتى تۇرعىن جەرىنە قاراماستان رەسپۋبليكا اۋماعىندا جەر تەلىمىن الۋعا قۇقىلى.

«اق جول» پارتياسى ازاماتتاردىڭ 10 سوتىق تەگىن جەر تەلىمىن الۋ قۇقىعىن قورعايدى - بۇل تۋرالى «اق جول» فراكتسياسىنىڭ دەپۋتاتى الماس تۇرتاەۆ سارسەنبىدە ءماجىلىستىڭ پلەنارلىق وتىرىسىندا مالىمدەدى.
پارلامەنت ءماجىلىسىنىڭ قاراۋىنا تۇسكەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارىن رەتتەۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسى رەسپۋبليكالىق ماڭىزى بار قالالار - استانا مەن الماتىنىڭ جانە وبلىس ورتالىقتارىندا جەكە تۇرعىن ءۇي قۇرىلىسىنا جەر تەلىمدەرىن بەرۋدى قىسقارتۋدى قاراستىرادى.
قازىرگى قولدانىستاعى قازاقستان رەسپۋبليكاسىنىڭ جەر كودەكسىنە سايكەس، قازاقستان رەسپۋبليكاسىنىڭ ازاماتتارىنا جەكە مەنشىككە قوسالقى شارۋاشىلىق، باعباندىق، ساياجاي قۇرىلىسى ءۇشىن ءارتۇرلى كولەمدەگى جەر تەلىمى تەگىن بەرىلەدى. جەكە تۇرعىن ءۇي قۇرىلىسى ءۇشىن تەگىن 10 سوتىق ءبولۋ قاراستىرىلعان.
سونىمەن قاتار، قازاقستان رەسپۋبليكاسىنىڭ «جەكە تۇرعىن ءۇي قۇرىلىسى تۋرالى» زاڭىنا جانە جەر تۋرالى زاڭناماعا سايكەس قازاقستان رەسپۋبليكاسىنىڭ ءاربىر ازاماتى، ءوزىنىڭ تۇراقتى تۇرعىن جەرىنە قاراماستان رەسپۋبليكا اۋماعىندا جەر تەلىمىن الۋعا قۇقىلى.
بۇگىنگى كۇندە كوپەگەن قازاقستاندىقتاردىڭ ءوزىنىڭ زاڭدى قۇقىعىن پايدالانىپ جەر تەلىمىن تەگىن الىپ ۇلگەردى. ەگەر جاڭا زاڭ جوباسى قابىلداناتىن بولسا، وندا مەملەكەتتەن تەگىن جەر الۋعا تىزىمدە بۇرىننان تۇرعان كوپتەگەن ازاماتتارىمىزدىڭ قۇقىعى عانا ەمەس، سونىمەن قاتار ادىلەتتىلىك قاعيداتتارى دا بۇزىلماقشى، -دەپ قاداپ ايتتى دەپۋتاتتار.
- مىڭداعان وتباسىنىڭ تاعدىرى مەن ءۇمىتى وسى 10 سوتىق جەرمەن بايلانىستى. اتا-بابالارىمىز بىزگە كەڭ-بايتاق جەردى مۇرا ەتىپ قالدىردى، ال شەنەۋنىكتەر بولسا ءوز حالقىنىڭ وسى جەرگە دەگەن قۇقىعىنان ايىرماقشى، - دەيدى الماس تۇرتاەۆ.
«اق جول» پارتياسى جەر كودەكسى زاڭ جوباسىنىڭ نورماسىن كەرى قايتارىپ الۋدى جانە  جالپى قوعامدىق تالقىلاۋ جۇرگىزۋدى تالاپ ەتەدى.
قر پرەمەر-ءمينيسترى سەرىك احمەتوۆتىڭ اتىنا جازىلعان ساۋالعا فراكتسيا دەپۋتاتتارى: الماس تۇرتاەۆ،  ازات پەرۋاشەۆ، ەكاتەرينا نيكيتينسكايا،  نۇرلان جازىلبەكوۆ، مەرۋرەت قازبەكوۆا، تالعات ەرعاليەۆتار قولدارىن قويدى.
«اق جول» قدپ پارلامەنتتىك فراكتسياسى سايلاۋالدى تۇعىرناماسىن ىسكە اسىرۋدى جانە قازاقستاندىقتاردىڭ مۇددەلەرىن قورعاۋدا ءوز جۇمىسىن جالعاستىرا بەرەدى.

6 ناۋرىز  2013 جىل، قازاقستاننىڭ «اق جول»  دەموكراتيالىق پارتياسىنىڭ ءباسپاسوز قىزمەتى