كۇلدىر-كۇلدىر كىسىنەتىپ،
كۇرەڭدى دە مىنگەنبىز.
كەڭ ساحارا دالامدا،
ەركىن ءومىر سۇرگەنبىز.

قىسىم كورگەن زاماندا،
جاياۋلاپ تا جۇرگەنبىز.
ولتىرسە دە مىڭ رەت،
مىڭ ءتىرىلىپ كورگەنبىز.

ءتىلىمىز بەن ءدىنىمىز،
ولمەسىن دەپ جۇرگەنبىز.
وزگەرگەن سوڭ زامانا،
وزگە تىلگە ەرگەنبىز.
گۇرىل-گۇرىل گۋلەتىپ،
ينوماركا مىنگەنبىز.

ءشۇلدىر-ءشۇلدىر سويلەتىپ،
بالاعا ءتىل بەرگەنبىز.
قازاق ءتىلى - مازاق ءتىل،
بولعانىنا كونگەنبىز.

قىركۇيەكتە جينالىپ،
ءتىل دامىتۋ دەگەنبىز.
12-ايدا ءبىر رەت،
ءتىلدىڭ قامىن جەگەنبىز.

مايقى ءبيدىڭ ورنىنا،
مايكل دجەكسون دەگەنبىز.
بالاقتاعى ءبيتىمىز،
باسقا شىقسا كونگەنبىز.

كوكتوبەگە كوتەرىپ،
"بيتلزگە" ورىن بەرگەنبىز.
«دجەنتەلمەنى ۋداچي»،
جامبىل جاقتان كورگەنبىز.

الاتاۋدىڭ ەتەگىن،
يەگوۆاعا بەرگەنبىز.
سيىرلارعا سيىنعان،
قازاقتى دا كورگەنبىز.

ەسىڭدى جىي، قازاق دەپ،
ەسىڭدى جىي، قازاق دەپ،
حانشاتىرعا كىرگەنبىز.

كۇلدىر-كۇلدىر كىسىنەتىپ،
كۇرەڭدى مىنگەن بابامىز.
قورعاعان سوڭ جان بەرىپ،
امان قالعان دالامىز.

دايىن اسقا تىك قاسىق،
بولىپ كەتكەن سانامىز.
ينوماركا مىنگەندەر،
قايدا كەتىپ بارامىز؟

شالا قازاق شەتتەسە،
ايىرىلادى ارامىز.
بولىنگەندى ءبورى جەپ،
بولشەكتەنىپ قالامىز.

كۇلدىر-كۇلدىر كىسىنەتىپ،
كۇرەڭدى دە مىنگەنبىز.
كەڭ ساحارا دالامدا،
ەركىن ءومىر سۇرگەنبىز.

قىسىم كورگەن زاماندا،
جاياۋلاپ تا جۇرگەنبىز.
ولتىرسە دە مىڭ رەت،
مىڭ ءتىرىلىپ كورگەنبىز.

ءتىلىمىز بەن ءدىنىمىز،
ولمەسىن دەپ جۇرگەنبىز.
وزگەرگەن سوڭ زامانا،
وزگە تىلگە ەرگەنبىز.
گۇرىل-گۇرىل گۋلەتىپ،
ينوماركا مىنگەنبىز.

ءشۇلدىر-ءشۇلدىر سويلەتىپ،
بالاعا ءتىل بەرگەنبىز.
قازاق ءتىلى - مازاق ءتىل،
بولعانىنا كونگەنبىز.

قىركۇيەكتە جينالىپ،
ءتىل دامىتۋ دەگەنبىز.
12-ايدا ءبىر رەت،
ءتىلدىڭ قامىن جەگەنبىز.

مايقى ءبيدىڭ ورنىنا،
مايكل دجەكسون دەگەنبىز.
بالاقتاعى ءبيتىمىز،
باسقا شىقسا كونگەنبىز.

كوكتوبەگە كوتەرىپ،
"بيتلزگە" ورىن بەرگەنبىز.
«دجەنتەلمەنى ۋداچي»،
جامبىل جاقتان كورگەنبىز.

الاتاۋدىڭ ەتەگىن،
يەگوۆاعا بەرگەنبىز.
سيىرلارعا سيىنعان،
قازاقتى دا كورگەنبىز.

ەسىڭدى جىي، قازاق دەپ،
ەسىڭدى جىي، قازاق دەپ،
حانشاتىرعا كىرگەنبىز.

كۇلدىر-كۇلدىر كىسىنەتىپ،
كۇرەڭدى مىنگەن بابامىز.
قورعاعان سوڭ جان بەرىپ،
امان قالعان دالامىز.

دايىن اسقا تىك قاسىق،
بولىپ كەتكەن سانامىز.
ينوماركا مىنگەندەر،
قايدا كەتىپ بارامىز؟

شالا قازاق شەتتەسە،
ايىرىلادى ارامىز.
بولىنگەندى ءبورى جەپ،
بولشەكتەنىپ قالامىز.

ءدىنىم دەرتكە شالدىقسا،
جازىلمايدى جارامىز.
ەمدەلمەسە ءتىلىمىز،
ءتىرى ولىك بولامىز.

جوندەلمەدى 20 جىل،
سەنبەسەڭىز، ساناڭىز.
قانداي تىلدە سويلەپ ءجۇر،
20-داعى بالاڭىز.

تاعى 10 جىل كۇتكەندە،
30 جىلدى ورامىز.
اربامەنەن اسىقپاي،
قويان قۋىپ بارامىز.

جايباسارلاۋ بولساق تا،
جەكپە-جەكتە دارامىز.
جەسىرىن جاۋعا بەرمەگەن،
داۋلاسقاندا بابامىز.

قازاق ءسوزى استارلى،
ەسىڭىزگە سالامىز.
تورىمىزگە شاقىرساق،
شاڭىراققا قاراڭىز.

كۇمبەزى كوكتى تىرەگەن،
كۇمبەزى كوكتى تىرەگەن
حانشاتىرلى قالامىز.

مۇحامبەديا احمەت-تورە
مەديتسينا عىلىمدارىنىڭ دوكتورى،
تەرمينولوگ

Abai.kz