ەۋروپارلامەنت رەسەي پرەزيدەنتى ۆلاديمير پۋتين مەن بەلۋرۋس پرەزيدەنتى الەكساندر لۋكاشەنكوعا ارنالعان تريبۋنال قۇرۋ جونىندەگى ءتيىستى قاراردى ماقۇلدادى. بۇل تۋرالى «ستەپكور» حابارلادى.

ەۋروپارلامەنت دەپۋتاتتارى ۆلاديمير ءپۋتيندى، الەكساندر لۋكاشەنكونى جانە رەسەي مەن بەلارۋستىڭ باسقا دا جوعارى لاۋازىمدى باسشىلارىن قىلمىستىق جاۋاپقا تارتۋ كەرەك دەپ شەشتى. ولار 472 داۋىسپەن وسى مازمۇندى قاراردى قابىلدادى. بۇعان قارسى داۋىس بەرگەن 19 دەپۋتات تا تابىلدى. تاعى 33 دەپۋتات قالىس قالدى.

قاراردا رەسەي اسكەرلەرى ۋكرايننىڭ بۋچا، يرپەن، ماريۋپول، گوستەمەل جانە باسقا دا قالالارىندا جاساعان ىستەر بۇل سوعىستى ولاردىڭ ءبىر حالىقتى قىرعىنعا ۇشىراتۋ ماقساتىندا جۇرگىزىپ جاتقانىنىڭ كۋاسى بولاتىنى اتاپ كورسەتىلگەن. سوندىقتان كىنالىلەردى جاۋاپقا تارتۋدىڭ حالىقارالىق ارەكەتىن ۇيلەستىرۋ كەرەكتىگى تالاپ ەتىلەدى.

سونداي-اق ەۋروپا دەپۋتاتتارى تريبۋنال تەك ۆلاديمير پۋتين مەن رەسەي باسشىلىعىنا عانا زاڭ جۇزىندە باعا بەرۋمەن شەكتەلىپ قالماۋى كەرەك، مۇنداي جازاعا الەكساندر لۋكاشەنكو مەن ونىڭ بەدارۋستەگى قولداۋشىلارى دا تارتىلۋعا ءتيىس دەپ ەسەپتەيدى.

«پارلامەنت وسىنداي ارنايى تريبۋنالدىڭ قۇرىلۋى عانا رەسەي قوعامى سياقتى حالىقارالىق قاۋىمداستىققا دا رف پرەزيدەنتى پۋتين مەن تۇتاستاي العاندا، رەسەي باسشىلىعىنىڭ ۋكرايناعا قارسى قىلمىستارىنىڭ اۋقىمى مەن سالماعىن پايىمداي الۋعا مۇمكىندىك بەرەتىنىنە وتە سەنىمدى. ەۋروپا پارلامەنتى باتىستىڭ ەندى ءپۋتيننىڭ باسشىلىعىنداعى رەسەي فەدەراتسياسىمەن بۇرىنعى قالىپتى قارىم-قاتىناسقا قايتىپ كەلە المايتىنىن دا اتاپ كورسەتەدى»، – دەلىنگەن ەۋروپارلامەنت سايتىندا جاريالانعان حابارلامادا.

Abai.kz