مەملەكەتتىك قىزمەتكەرلەر ەستون ساراپشىلارىمەن بىرگە شىعارماشىلىق زەرتحانا فورماتىندا كوپشىلىككە قول جەتىمدى بولۋى ءتيىس اشىق دەرەكتەر، اقپارات تۇرلەرى ستەيكحولدەردەر قاجەتتىلىگى ولشەمدەرى بويىنشا، ولاردىڭ قوعام مەن ەكونوميكاعا پايداسى مەن مۇمكىندىكتەرى جايلى پىكىر الماستى. ترەنينگتى  استانا مەملەكەتتىك قىزمەت حابى جانە قر اقپارات جانە قوعامدىق دامۋ مينيسترلىگى، نازارباەۆ ۋنيۆرەسيتەتى مەملەكەتتىك ساياسات جوعارعى مەكتەبىمەن بىرلەسە وتكىزدى.

بۇل ترەنينگتى ۇيىمداستىرۋعا ەستونيا، كانادا، ەۋروپالىق وداق جانە قازاقستاننىڭ اشىق دەرەكتەر ساياساتى مەن پراكتيكاسى بويىنشا جاسالعان كەڭ كولەمدى زەرتتەۋ نايجەلەرى نەگىز بولعان. وندا اشىق دەرەكتەر سانالاتىن جانە ايتارلىقتاي ەكونوميكالىق جانە الەۋمەتتىك تابىسقا سەرپىن بەرەتىن ناقتى مالىمەتتەر ايقىندالعان. بۇل مەملەكەتتىك ورگاندار ساياساتىن جاساقتاۋعا جانە جەكە سەكتورداعى كاسىپكەرلەرگە اشىق دەرەكتەردىڭ قۇندىلىعىن كورسەتەدى.

ترەنينگتى استانا مەملەكەتتىك قىزمەت حابى باسقارۋشى كوميتەتى توراعاسى اليحان بايمەنوۆ اشتى. ول ءوز سوزىندە «مەملەكەت جيناقتاپ، وڭدەيتىن اقپارات ازاماتتار مەن بينەس ءۇشىن مەيلىنشە اشىق ءارى قولجەتىمدى بولۋى ءتيىس، بۇل – زاماناۋي مەلەكەتتىك باسقارۋ تالابى»، - دەدى. ول سونىمەن بىرگە «اشىق دەرەكتەر حالىقتىڭ مەملەكەتكە دەگەن سەنىمىن ارتتىرۋ، سىبايلاس جەمقورلىق جانە جالعان اقپاراتپەن كۇرەس قۇرالى بولا الاتىندىعىن»، - اتاپ ءوتتى. سوندىقتان دا، دامىعان ەلدەردە «اشىق دەرەكتەر»، «دەرەكتەرگە جالپى قولجەتىمدىلىك» تۋرالى زاڭدار بار.

قر اقپارات جانە قوعامدىق دامۋ ۆيتسە-ءمينيسترى قاديروۆ دانيار اشىق دەرەكتەر ساياساتى اشىقتىقتى ارتتىرۋدا جانە ازاماتتاردىڭ اقپاراتقا جاريا قول جەتكىزۋ قۇقىقتارىن كەڭەيتۋدە شەشۋشى ءرول اتقاراتىنىن اتاپ ءوتتى. «ءبىزدىڭ ءبىرىنشى كەزەكتەگى مىندەتىمىز - حالىق، بيزنەس جانە عىلىمي-زەرتتەۋ قوعامداستىعى تاراپىنان اشىق دەرەكتەرگە سۇرانىستى ارتتىرۋ، سونداي - اق مەملەكەتتىك قىزمەتشىلەردى ساپالى اشىق دەرەكتەردى مەرزىمىندە ورنالاستىرۋعا ىنتالاندىرۋ»، - دەپ اتاپ ءوتتى قاديروۆ دانيار.

ترەنينگتە اشىق دەرەكتەر تۇجىرىمداماسى، ولاردىڭ ارتىقشىلىقتارى جانە ولاردى نە ءۇشىن پايدالانۋعا بولاتىندىعى، ستراتەگيا مەن قۇقىقتىق مودەلدەردى قوسا العاندا، حالىقارالىق تاجىريبە قاراستىرىلدى. قاتىسۋشىلار اشىق دەرەكتەرگە قاتىستى كومپانيالاردىڭ قانداي اسىرا پايدالانۋ قاتەرلەرىنە كەزىگۋى مۇمكىن ەكەندىگى تالقىلاندى. بۇدان باسقا، قازاقستاننىڭ اشىق دەرەكتەر پورتالى ەگجەي-تەگجەيلى قارالىپ، كانادا، ەۋروپالىق وداق جانە ەستونيا تاجىريبەسىن ەسكەرە وتىرىپ، ونى ودان ءارى دامىتۋ جولدارى تالقىلاندى.

سونىمەن قاتار قاتىسۋشىلار سىن-قاتەرلەر مەن ماسەلەلەردى تالقىلاۋعا جانە تالداۋعا، ساياساتتى ءتيىمدى ازىرلەۋ جانە ىسكە اسىرۋ بويىنشا ۇسىنىستار الۋعا مۇمكىندىك الدى.

Abai.kz