2022 جىلى تەرروريزم اكتىلەرى بويىنشا جالعان حابارلامالار سانى ارتتى. قىلمىستىق كودەكستىڭ 273-بابىمەن 181 قىلمىستىق ءىس قوزعالدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى.

ادەتتە، اتالعان فاكتىلەردى تەكسەرۋ كوپ ۋاقىت پەن رەسۋرستاردى قاجەت ەتەدى. وقيعا ورنىنا پوليتسيا، قۇتقارۋشىلار، كينولوگتەر، ءورت سوندىرۋشىلەر، جەدەل جاردەم بريگادالارى، جەدەل تەرگەۋ توپتارى بارادى. كاسىپورىنداردىڭ قالىپتى جۇمىس رەجيمى بۇزىلادى. بۇل كۇش پەن قۇرالداردىڭ ايتارلىقتاي اۋىتقۋىنا اكەلەدى، تەكسەرىلەتىن كوممەرتسيالىق كاسىپورىندار ميلليونداعان شىعىنعا ۇشىرايدى، تەررولىق شابۋىل تۋرالى جالعان حابارلامالار ادامداردى ەۆاكۋاتسيالاۋ كەزىندە دۇربەلەڭ مەن قۇرباندىققا اكەلۋى مۇمكىن.

قۇقىق قورعاۋ جانە ارنايى ورگاندار وسىنداي ءانونيمدى حابارلامالاردىڭ اۆتورلارىن انىقتاۋ بويىنشا شارالار قابىلدايدى. 2022 جىلى 25 ادام سوتتالدى.

سونداي-اق، باس پروكۋراتۋرا مۇددەلى مەملەكەتتىك ورگاندارمەن بىرلەسىپ كورىنەۋ جالعان تەرروريزم بويىنشا قىلمىستىق جاۋاپتىلىقتى كۇشەيتۋ جانە قۇقىق بۇزۋشىلىقتىڭ وسى ءتۇرىن «اۋىر» ساناتقا جاتقىزۋ (7 جىلعا دەيىن باس بوستاندىعىنان ايىرۋ مەرزىمى) تۋرالى ماسەلە پىسىقتالىپ جاتىر.

Abai.kz