حالىقارالىق ۆاليۋتا قورى ۋكرايناعا 16 ميلليارد اقش دوللار سوماسىندا كومەك بەرۋدى قاراستىرىپ جاتىر. بۇل تۋرالى بەيسەنبىدە Bloomberg حابارلادى.

باعدارلامانى ىسكە اسىرۋ بىرقاتار شارتتارعا بايلانىستى، سونىڭ ىشىندە ۇلكەن جەتىلىك (G7) ەلدەرىنىڭ، سونداي-اق ەلدىڭ قارىزدىق تۇراقتىلىعىن قامتاماسىز ەتەتىن ۋكراينانىڭ نەسيە بەرۋشىلەرىنىڭ ماقۇلداۋىنا بايلانىستى. ەگەر ماقۇلدانسا، بىرنەشە جىلدىق باعدارلاما ەلگە ءبىرىنشى جىلى 5 ملرد دوللاردان 7 ملرد دوللارعا دەيىن ءبولۋدى كوزدەپ وتىر.

جوسپار ناۋرىز ايىنىڭ سوڭىنا دەيىن كەلىسىلەدى دەپ كۇتىلۋدە. كەلىسىم شەڭبەرىندە ۋكراينا ۇكىمەتى قارجىلىق قولداۋ الۋ ءۇشىن سالىق تۇسىمدەرىن ۇلعايتۋ، ورتالىق بانكتەن اسكەري بيۋدجەتكە تۇسەتىن تۇسىمدەردى ەداۋىر قىسقارتۋ، سونداي-اق مەملەكەتتىك كومپانيالاردا كورپوراتيۆتىك باسقارۋدى جولعا قويۋ جونىندە شارالار قابىلداۋعا مىندەتتەندى.

Abai.kz