قازاقتار ادام ەكەن...
بۇعان دەيىن «قازاقتار ادام ەمەس پە؟» دەگەن تاقىرىپتا (http://old.abai.kz/node/21327) ماتەريال جاريالانعان بولاتىن. ماقالادا توتەنشە جاعدايلار مينيسترلىگىنىڭ ءالى كۇنگە ازاماتتاردى توتەنشە جاعدايدان قۇلاعدار ەتۋ ءۇشىن مەمتىلدە سمس-حابارلاما تاراتپايتىنى كوتەرىلگەن بولاتىن. بۇل ماسەلە س.ابدىرەشۇلى دەگەن ازاماتتىڭ مينيسترگە جازعان حاتىندا كورىنىس تاپقان ەدى. اراعا بىرنەشە اپتا سالىپ ءمينيستردىڭ بلوگىنا دا، تالاپ ەتۋشىنىڭ مەكەنىنە دە جاۋاپ (http://blogs.egov.kz/bozhko_v/questions/192448 ) كەلىپتى. جاۋاپ ناقتى بولماسا دا قاناعاتتانارلىق. الايدا، بۇل ماسەلەنى باسقا داازاماتتار كوتەرىپ، وزەكتىلىگىن مينيسترگە باسا كورسەتە تۇسسە دەگەن تىلەك بار.
تالاپ حات
قر توتەنشە جاعدايلار ءمينيسترى
ساناتتار: مەملەكەتتىك ورگانداردىڭ جۇمىسى تۋرالى
قۇرمەتتى ۆلاديمير كارپوۆيچ!
اۋا-رايىنا قاتىستى سمس-حابارلامالاردىڭ تاراتىلۋىنا ءسىزدىڭ مينيسترلىك بولىمشەلەرىنىڭ تىكەلەي قاتىسى بار دەپ ويلايمىن. ارينە، ازاماتتاردى قاۋىپ-قاتەردەن ساقتاندىرۋ مەن اقپاراتتاندىرۋ - ءسىزدىڭ ورگاننىڭ باستى مىندەتتەرىنىڭ ءبىرى.
بۇعان دەيىن «قازاقتار ادام ەمەس پە؟» دەگەن تاقىرىپتا (http://old.abai.kz/node/21327) ماتەريال جاريالانعان بولاتىن. ماقالادا توتەنشە جاعدايلار مينيسترلىگىنىڭ ءالى كۇنگە ازاماتتاردى توتەنشە جاعدايدان قۇلاعدار ەتۋ ءۇشىن مەمتىلدە سمس-حابارلاما تاراتپايتىنى كوتەرىلگەن بولاتىن. بۇل ماسەلە س.ابدىرەشۇلى دەگەن ازاماتتىڭ مينيسترگە جازعان حاتىندا كورىنىس تاپقان ەدى. اراعا بىرنەشە اپتا سالىپ ءمينيستردىڭ بلوگىنا دا، تالاپ ەتۋشىنىڭ مەكەنىنە دە جاۋاپ (http://blogs.egov.kz/bozhko_v/questions/192448 ) كەلىپتى. جاۋاپ ناقتى بولماسا دا قاناعاتتانارلىق. الايدا، بۇل ماسەلەنى باسقا داازاماتتار كوتەرىپ، وزەكتىلىگىن مينيسترگە باسا كورسەتە تۇسسە دەگەن تىلەك بار.
تالاپ حات
قر توتەنشە جاعدايلار ءمينيسترى
ساناتتار: مەملەكەتتىك ورگانداردىڭ جۇمىسى تۋرالى
قۇرمەتتى ۆلاديمير كارپوۆيچ!
اۋا-رايىنا قاتىستى سمس-حابارلامالاردىڭ تاراتىلۋىنا ءسىزدىڭ مينيسترلىك بولىمشەلەرىنىڭ تىكەلەي قاتىسى بار دەپ ويلايمىن. ارينە، ازاماتتاردى قاۋىپ-قاتەردەن ساقتاندىرۋ مەن اقپاراتتاندىرۋ - ءسىزدىڭ ورگاننىڭ باستى مىندەتتەرىنىڭ ءبىرى.
الايدا، اتالمىش سمس-حابارلاما بىرجاقتى جانە ءبىر تىلدە - ورىس تىلىندە بولۋى ەلدىڭ زاڭداماسىن بۇزىپ وتىرعانىمەن بىرگە، ازاماتتاردىڭ اقپارات الۋ قۇقىعىن دا تاپتاپ وتىر. سمس-حابارلامالار لاتىن قارپىمەن تارالۋدا، بۇل - ۋاقىتشا تەحنيكالىق كەمشىلىك ەكەنى راس، الايدا وسى قارىپپەن قازاق تىلىندە دە حابارلاما تاراتۋ مۇمكىندىگى بارىن ءسىزدىڭ مينيسترلىككە قاراستى ۇيىمدار مەن بولىمشەلەر ءبىلۋى ءتيىس. بىلمەسە، ءتىل كوميتەتىمەن كەلىسىپ ماسەلەنىڭ شەشىلۋىن قاراستىرۋى كەرەك ەدى. اتالمىش جايت ەل ازاماتتارىن الالاۋ جانە بارىپ تۇرعان زاڭسىزدىق!
بۇل جايتتى سىزگە بايانداي وتىرىپ، ماسەلەنى بىرىگىپ شەشۋگە شاقىرامىن. قاجەتتىلىك بولسا، ازاماتتارعا تۇسىنىكتى لاتىن قارىپتى ءالىپبي-ۆولوپيۋكتىڭ نۇسقاسىن بەرۋگە بولادى. جانە بۇل ماسەلەنى زاڭداستىرۋدى ۋاقىتشا بولسا دا، مادەنيەت جانە اقپارات مينيسترلىگىمەن بىرىگىپ قولعا الۋدى ۇسىنامىن. ءالى كۇنگە بۇل جايتقا نازار اۋدارماي، ماسەلەنى شەشپەي وتىرعان مادەنيەت جانە اقپارات مينيسترلىگىنىڭ دە كىناسى بار ەكەندىگىن بىلەمىز. سىزدەن اتالمىش ماسەلەگە قاتىستى تۇسىنىستىك كۇتەمىن.
قۇرمەتپەن، سەرىك ابدىرەشۇلى
قر ازاماتى.
جاۋاپ حات.
18 ناۋرىز 2013 ج.
بوجكو ۆ.ك.
قۇرمەتتى، سەرىك ابدىرەشۇلى!
قازىرگى كەزدە ەرىكتى قىزمەت رەتىندە سمس حابارلامالارىن تاراتۋدى قازاقستان رەسپۋبليكاسى توتەنشە جاعدايلار مينيسترلىگىنىڭ ءوتىنىمى بويىنشا ۇيالى بايلانىس وپەراتورلارى جۇرگىزەدى. سمس حابارلامالارىندا لاتىن ءالفاۆيتىن پايدالانۋ ماسەلەسى ۇيالى بايلانىس وپەراتورلارىنىڭ تەحنيكالىق مۇمكىندىكتەرىمەن شەكتەلگەن، بىردەي حابارلامالاردى كيريلليتسا قارپىمەن جولداۋ لاتىن قارپىمەن جولداعانعا قاراعاندا قىمباتىراق سوعادى. سونىمەن قاتار، لاتىن جانە كيريلليتسا قارىپتەرىمەن جولداناتىن سمس حابارلامالاردىڭ كولەمى دە بىردەي ەمەس. ءبىر سمس حابارلامادا 160 لاتىن سيمۆولدارىن جولداۋعا بولادى، ال سونداي حابارلاماعا كيريلليتسا قارپىمەن تەك 70 سيمۆول جولداۋعا بولادى، ياعني كوپتەگەن جاعدايدا جەتكىلىكسىز.
وسىعان بايلانىستى، قازىرگى كەزدە حابارلامالار ءماتىننىڭ كولەمىنە قاراي لاتىن جانە كيريلليتسا قارىپتەرىندە جۇرگىزىلەدى سمس حابارلامالار ورىس جانە قازاق تىلدەرىندە جولدانادى.
مينيسترلىكتىڭ جوسپارلارىندا 2015 جىلعا دەيىنگى كەزەڭدە حالىقتىڭ ۇيالى تەلەفوندارىنا تۇرىپ جاتقان اۋماقتاعى اسا قاۋىپتى قاتەر، سونداي-اق ولار تۋىنداعان جاعدايداعى قاۋىپسىزدىك نۇسقاۋلىعى تۋرالى اقپاراتتى جىبەرۋ ءۇشىن «سوتا ارقىلى حابارلاۋ» (CellBroadcast) تەحنولوگياسى بازاسىندا مامانداندىرىلعان جابدىقتى ەنگىزۋ كوزدەلگەن. بۇل رەتتە ءماتىنى مەن فورماتى قر قۇقىقتىق نورمالارىنا سايكەس كەلەتىن حابارلامالار تاراتۋدى تىكەلەي قر تجم اۋماقتىق ورگاندارىنىڭ جەدەل كەزەكشىسى جۇزەگە اسىراتىن بولادى.
Abai.kz
