جۇرت كولىگىن قايدا قويارىن بىلمەي اۋرە-سارساڭعا تۇسەدى. بۇل تۋرالى مەملەكەت باسشىسى قاسىم-جومارت توقاەۆتىڭ توراعالىعىمەن ەلوردانى دامىتۋ ماسەلەلەرى جونىندەگى كەڭەستە ايتتى، دەپ حابارلايدى اقوردا.

«تاعى ءبىر ماڭىزدى ماسەلە – كولىك تۇراعى جوق ۇيلەردىڭ كوپتەپ سالىنۋى. قازىر جۇرت بالالارىن سىرتقا شىعارۋدان قورقادى. ويتكەنى اۋلانىڭ ءبارى اۆتوكولىككە تولىپ تۇر. بۇدان بىلاي كولىك تۇراعى بولماسا، ءبىر دە ءبىر ءۇي سالىنباۋى كەرەك. جالپى، اشىق الاڭدا ورنالاسقان اۆتوتۇراقتار اقىلى بولۋى كەرەك. ايتپەسە، وسىنداي كەلەڭسىز جاعدايلار جالعاسا بەرەدى. ۇكىمەتكە ناقتى شەشىم قابىلداۋدى تاپسىرامىن. سونداي-اق مينيسترلىكتەر ءۇيىنىڭ ماڭىندا اۆتوتۇراق تاپشى. جۇرت كولىگىن قايدا قويارىن بىلمەي اۋرە-سارساڭعا تۇسەدى. ءتىپتى، كولىكتەرىن جاقىن جەردەگى ۇيلەردىڭ اۋلاسىنا قويۋعا ءماجبۇر بولادى. بۇل تۇرعىندارعا ۇلكەن قولايسىزدىق تۋدىراتىنى تۇسىنىكتى. باس پروكۋراتۋرا جانە جۋسان بانكى عيماراتىنىڭ ورتاسىندا بوس جەر بار. جوعارعى سوت عيماراتىنىڭ ارتىنداعى الاڭ دا بوس جاتىر. اكىمدىككە وسى ەكى جەردىڭ بىرىنە كوپ قاباتتى جابىق پاركينگ جانە جاياۋ ادام وتەتىن كوپىر سالۋ مۇمكىندىكتەرىن قاراستىرۋدى تاپسىرامىن»، - دەدى قر پرەزيدەنتى جيىندا.

Abai.kz