بولات نازارباەۆ الماتىداعى «بارىس-4» بازارى («وپتوۆكا») ءۇشىن تالاستا جەڭىلدى.

بىلتىر قازان ايىندا الماتىنىڭ مامانداندىرىلعان اۋدانارالىق ەكونوميكالىق سوتى "بارىس-4" ءىرى كوتەرمە ساۋدا ورتالىعىنىڭ قۇرىلتايشىسى «نايزا-بن» كومپانياسىنىڭ جارعىلىق كاپيتالىنداعى مەملەكەتتىك ۇلەستى ساتىپ الۋ مەن ساتۋ شارتىن جارامسىز دەپ تانىعان.

قارجى مينيسترلىگىنىڭ مالىمەتىنشە، "نايزا-بن" جشس قۇرىلتايشىلارىنىڭ ءبىرى — ەكس-پرەزيدەنت نۇرسۇلتان نازارباەۆتىڭ ءىنىسى بولات نازارباەۆ. ول بازاردىڭ 65 پايىز ۇلەسىنە يە بولعان.

ول 1,5 ميلليارد تەڭگە تۇراتىن بازاردى 307 ميلليون تەڭگەگە ساتىپ العان. وسىلايشا زاڭسىز جەڭىلدىكتەر الۋ ارقىلى جەكەشەلەندىرۋ كەزىندە مەملەكەتكە وراسان شىعىن كەلتىرگەن.

نازارباەۆ سوت شەشىمىمىنە كەلىسپەي «بازاردى زاڭدى جولمەن العانىن» دالەلدەمەك بولىپ، اپەلياتسيالىق شاعىم تۇسىرگەن. بىراق سوت العاشقى ينستانتسياداعى شەشىمىن وزگەرتپەدى.

ەندى بولات نازارباەۆتىڭ جوعارعى سوتقا شاعىمدانۋىنا التى اي ۋاقىتى بار.

«بولات ءداۋىرىنىڭ اياقتالۋىمەن وليگوپوليانىڭ بازارداعى ديكتاتۋراسى ءبىتتى دەۋگە بولادى. "التىن وردا" مەن "وپتوۆكا" ماسەلەسى شەشىلدى. ەندى مەملەكەتكە سوڭعى قادام جاساپ، الماتىنىڭ قاق ورتاسىنداعى "نيكولسكي" بازارىن وزىنە قايتارۋ عانا قالىپ وتىر. بۇل رەتتە، 2017 جىلدارى جەر قاتىناستارى باسقارماسىندا باسشىنىڭ ورىنباسارى بولعان، جەردى بولات نازارباەۆقا جازىپ بەرگەن ارداق سامامبەتوۆ دەگەن شەنەۋىككە ۇلكەن سۇراقتار تۋىندايتىن بولادى»،-دەپ جازدى Dala Inside تەلەگرام ارناسى.

ارنانىڭ جازۋىنشا، بولات نازارباەۆتىڭ جۇدىرىعىنان بوساعان بارىس-4 بازارى الماتىنىڭ ەكونوميكاسىن ورلەتۋگە كوپ جاردەمىن تيگىزبەك. الماتىنىڭ ەكونوميكاسى بىلتىر 43 ميلليارد دوللار بولدى. بيىل الماتى قازاقستان بيۋدجەتىنە 207 ميلليارد تەڭگە بەرۋى ءتيىس.

Abai.kz