كوزبايلاۋ ونەرىن كەمەل مەڭگەرگەن قازاقتىڭ گۇلجازيرا قىزى التىناي بايتوقانوۆا ناۋرىزدىڭ 30-ى كۇنى دۇنيە سالدى. الماتىداعى №12 اۋرۋحانانىڭ جانساقتاۋ بولىمىندە بەلگىسىز دەرتپەن ارپالىسقان ارۋدى اجال قۇشاعىنان الىپ شىعۋ مۇمكىن بولماعان سياقتى. شىمىلدىق پەردەگە ورانا بەرىپ قاس پەن كوزدىڭ اراسىندا باسقاشا كيىنىپ، توتىدايىن تۇرلەنىپ شىعا كەلەتىن التىنايدىڭ ونەرى يلليۋزيونيستەر الەمىنە عانا ءتان جۇمباق ەدى. سول قۇپيانىڭ شەگىنە جەتۋ ءۇشىن التىناي عۇمىر-تىرىلىگىندە ەش ايانعان جوق. سونداي تاۋەكەلشىل، سونداي العىر جان ەدى ول. امال كەم... التىنايدىڭ ءفاني جالعانعا قول بۇلعاپ كەتە بارعانى تۋرالى ەستىگەن دارىگەر-عالىم، اقىن اعامىز مۇحامبەديا احمەتوۆ  Facebook الەۋمەتتىك جەلىسىنىدەگى ءوزىنىڭ جەكە پاراقشاسىنا: «قازاقتىڭ اتىن الەمگە شىعارىپ، جارق ەتىپ كورىنگەن ۇل-قىزدارىمىز جاسىرىن وققاعارمەن قامتاماسىز ەتىلۋى كەرەك. اسىرەسە شەتەلگە شىعاتىندارى (ەل ىشىندە دە قورعاۋدا بولۋى كەرەك). ولار بۇكىل ۇلتىمىزدىڭ قۇن جەتپەس بايلىعى دەپ سانالۋى ءتيىس. ولاردىڭ جەيتىن اس-اۋقاتى، ىشەتىن سۋىنا دەيىن تەكسەرىلىپ تۇرۋى شارت. كورەالماۋشىلىقتىڭ، دۇشپاندىقتىڭ، قىزعانىش دەگەن پالەنىڭ "قىزىل ءيتى" ۇرمەي كەلىپ قاباتىنىن ءبىزدىڭ قازاق نەگە ەسكەرمەيدى؟ قانشاما ونەرپازدارىمىز، اقىندارىمىز، الەمگە تاڭداي قاقتىرعان سپورتشىلارىمىز ت.س.س. قۇلاگەرلەرىمىز نەگە قىرشىننان قيىلىپ كەتە بەرەدى ؟ ءايي، قازاعىم-اي، قويىڭدى قاسقىر قىرىپ كەتسە دە قوراڭدى بەكىتپەيتىنىڭ-اي...» دەپ جازىپتى.

كوزبايلاۋ ونەرىن كەمەل مەڭگەرگەن قازاقتىڭ گۇلجازيرا قىزى التىناي بايتوقانوۆا ناۋرىزدىڭ 30-ى كۇنى دۇنيە سالدى. الماتىداعى №12 اۋرۋحانانىڭ جانساقتاۋ بولىمىندە بەلگىسىز دەرتپەن ارپالىسقان ارۋدى اجال قۇشاعىنان الىپ شىعۋ مۇمكىن بولماعان سياقتى. شىمىلدىق پەردەگە ورانا بەرىپ قاس پەن كوزدىڭ اراسىندا باسقاشا كيىنىپ، توتىدايىن تۇرلەنىپ شىعا كەلەتىن التىنايدىڭ ونەرى يلليۋزيونيستەر الەمىنە عانا ءتان جۇمباق ەدى. سول قۇپيانىڭ شەگىنە جەتۋ ءۇشىن التىناي عۇمىر-تىرىلىگىندە ەش ايانعان جوق. سونداي تاۋەكەلشىل، سونداي العىر جان ەدى ول. امال كەم... التىنايدىڭ ءفاني جالعانعا قول بۇلعاپ كەتە بارعانى تۋرالى ەستىگەن دارىگەر-عالىم، اقىن اعامىز مۇحامبەديا احمەتوۆ  Facebook الەۋمەتتىك جەلىسىنىدەگى ءوزىنىڭ جەكە پاراقشاسىنا: «قازاقتىڭ اتىن الەمگە شىعارىپ، جارق ەتىپ كورىنگەن ۇل-قىزدارىمىز جاسىرىن وققاعارمەن قامتاماسىز ەتىلۋى كەرەك. اسىرەسە شەتەلگە شىعاتىندارى (ەل ىشىندە دە قورعاۋدا بولۋى كەرەك). ولار بۇكىل ۇلتىمىزدىڭ قۇن جەتپەس بايلىعى دەپ سانالۋى ءتيىس. ولاردىڭ جەيتىن اس-اۋقاتى، ىشەتىن سۋىنا دەيىن تەكسەرىلىپ تۇرۋى شارت. كورەالماۋشىلىقتىڭ، دۇشپاندىقتىڭ، قىزعانىش دەگەن پالەنىڭ "قىزىل ءيتى" ۇرمەي كەلىپ قاباتىنىن ءبىزدىڭ قازاق نەگە ەسكەرمەيدى؟ قانشاما ونەرپازدارىمىز، اقىندارىمىز، الەمگە تاڭداي قاقتىرعان سپورتشىلارىمىز ت.س.س. قۇلاگەرلەرىمىز نەگە قىرشىننان قيىلىپ كەتە بەرەدى ؟ ءايي، قازاعىم-اي، قويىڭدى قاسقىر قىرىپ كەتسە دە قوراڭدى بەكىتپەيتىنىڭ-اي...» دەپ جازىپتى. راسىندا، قازاق حالقى،  دارىندى ۇل-قىزىمىزدى قاشان كوزىمىزدىڭ قاراشىعىنداي ساقتاپ ۇيرەنەر ەكەنبىز؟.. قازاقتىڭ قاس تالانتتارى  ۇلتتىق قۇندىلىقتار ەسەبىندە قورعالۋى كەرەك.

التىناي سيقىرشىلىق ونەردى قىتاي حالىق رەسپۋبليكاسىنا بارىپ ۇيرەنىپ جۇرگەن. دارىگەرلەر التىنايدىڭ قانىنا بەلگىسىز ۆيرۋس تۇسكەنىن ايتىپ وتىر دەيدى سەنىمدى اقپارات كوزىنە سۇيەنگەن www.kalaisyn.kz سايتى.

حوش، قايران التىناي.

Abai.kz اقپاراتتىق پورتالىنىڭ  ۇجىمى