رەسەي پرەزيدەنتى ۆلاديمير پۋتين شەنەۋنىكتەردىڭ سويلەۋىندە جانە رەسمي قۇجاتتاردا شەتەل سوزدەرىن قولدانۋعا تىيىم سالدى. 

وسىعان بايلانىستى "رەسەي فەدەراتسياسىنىڭ مەملەكەتتىك ءتىلى تۋرالى" زاڭعا تۇزەتۋلەر ەنگىزىلمەك. زاڭ اۆتورلارىنىڭ پىكىرىنشە، بۇل ورىس ءتىلىن قورعاۋعا كومەكتەسەدى. ورىس تىلىندە بالاماسى جوق سوزدەر عانا قولدانىستا قالادى، ولاردىڭ ءتىزىمى جاسالادى.

ورىس ءتىلىن مىندەتتى تۇردە قولداناتىن سالالارعا مىنالار جاتادى: بارلىق مەنشىك نىساندارىنداعى ۇيىمداردىڭ رەسەيلىكتەرمەن رەسمي قارىم-قاتىناسى جانە رەسمي حات الماسۋى، جەدەلحات جىبەرۋشىلەر مەن الۋشىلاردىڭ مەكەن-جايلارىن راسىمدەۋ; مەملەكەتتىك جانە مۋنيتسيپالدى اقپاراتتىق جۇيەلەر; سونداي-اق تاۋارلاردى تۇتىنۋشىلارعا ارنالعان اقپارات.

Abai.kz