كەڭەستەر وداعى تۇسىندا، 1926 جىلى رەسمي تويلانۋىنا تىيىم سالىنعان ۇلىستىڭ ۇلى كۇنى - ناۋرىز مەرەكەسى 62 جىلدىق ۇزىلىستەن سوڭ 1988 جىلدىڭ كوكتەمىندە قازاق توپىراعىندا قايتا مەرەكەلەنۋ مارتەبەسىن يەلەنگەن بولاتىن. ۇستىمىزدەگى جىلدىڭ 30 ناۋرىزى كۇنى 25 جىل تولىپ وتىرعان وسىناۋ تاريحي وقيعانى اتاپ ءوتۋ ماقساتىندا «انكارا قازاق جاستارى» بىرلەستىگى باسقوسۋ ۇيىمداستىردى.

مازمۇندى ماجىلىسكە «تۇرىك وشاقتارى» قوعامدىق بىرلەستىگىنىڭ باس حاتشىسى، دوكتور پروفەسسور ورحان كاۆۋنجۋ مىرزا قۇرمەتتى قوناق رەتىندە قاتىسىپ، ناۋرىز مەرەكەسىنىڭ شىعۋ تاريحى تۋراسىندا تۇششىمدى بايانداما جاسادى. بىلىكتى عالىم مارتەبەلى مەرەكەنىڭ ءمانىن اشا، تامىرىنان تارتىپ، سانسىز عاسىردى ارتقا تاستاپ، بۇگىنىمىزگە جەتكەن بايتاق جولىن كەڭىنەن اڭگىمەلەي كەلە، ءار حالىقتىڭ وزىنە ءتان مەرەكەلەۋ داستۇرىنەن  قيلى مىسالدار كەلتىردى. تۇرىك تەكتەس ۇلىستاردىڭ ءاز ناۋرىزدى مەرەكەلەۋ ەرەكشەلىكتەرىنە ايرىقشا توقتالىپ، سالت-ساناسىنداعى سەرپىلىسكە سەپتىگىن دە ءسوز ەتتى.

شيرەك عاسىر بۇرىن ۇلىق مەرەكەنىڭ رەسمي اتاپ ءوتىلىپ، تاريحي ادىلەتتىلىكتىڭ ورناۋىنىڭ باسىندا تۇرعان ايتۋلى تۇلعالارىمىزدىڭ ءبىرى، ارقيىق اقىن مۇحتار شاحانوۆ اعامىزدىڭ «ناۋرىز وسىلاي ورالعان نەمەسە كولبينمەن تەكەتىرەس» تاقىرىبىنداعى ماقالاسى جان-جاقتى تالقىلاندى.

كەڭەستەر وداعى تۇسىندا، 1926 جىلى رەسمي تويلانۋىنا تىيىم سالىنعان ۇلىستىڭ ۇلى كۇنى - ناۋرىز مەرەكەسى 62 جىلدىق ۇزىلىستەن سوڭ 1988 جىلدىڭ كوكتەمىندە قازاق توپىراعىندا قايتا مەرەكەلەنۋ مارتەبەسىن يەلەنگەن بولاتىن. ۇستىمىزدەگى جىلدىڭ 30 ناۋرىزى كۇنى 25 جىل تولىپ وتىرعان وسىناۋ تاريحي وقيعانى اتاپ ءوتۋ ماقساتىندا «انكارا قازاق جاستارى» بىرلەستىگى باسقوسۋ ۇيىمداستىردى.

مازمۇندى ماجىلىسكە «تۇرىك وشاقتارى» قوعامدىق بىرلەستىگىنىڭ باس حاتشىسى، دوكتور پروفەسسور ورحان كاۆۋنجۋ مىرزا قۇرمەتتى قوناق رەتىندە قاتىسىپ، ناۋرىز مەرەكەسىنىڭ شىعۋ تاريحى تۋراسىندا تۇششىمدى بايانداما جاسادى. بىلىكتى عالىم مارتەبەلى مەرەكەنىڭ ءمانىن اشا، تامىرىنان تارتىپ، سانسىز عاسىردى ارتقا تاستاپ، بۇگىنىمىزگە جەتكەن بايتاق جولىن كەڭىنەن اڭگىمەلەي كەلە، ءار حالىقتىڭ وزىنە ءتان مەرەكەلەۋ داستۇرىنەن  قيلى مىسالدار كەلتىردى. تۇرىك تەكتەس ۇلىستاردىڭ ءاز ناۋرىزدى مەرەكەلەۋ ەرەكشەلىكتەرىنە ايرىقشا توقتالىپ، سالت-ساناسىنداعى سەرپىلىسكە سەپتىگىن دە ءسوز ەتتى.

شيرەك عاسىر بۇرىن ۇلىق مەرەكەنىڭ رەسمي اتاپ ءوتىلىپ، تاريحي ادىلەتتىلىكتىڭ ورناۋىنىڭ باسىندا تۇرعان ايتۋلى تۇلعالارىمىزدىڭ ءبىرى، ارقيىق اقىن مۇحتار شاحانوۆ اعامىزدىڭ «ناۋرىز وسىلاي ورالعان نەمەسە كولبينمەن تەكەتىرەس» تاقىرىبىنداعى ماقالاسى جان-جاقتى تالقىلاندى.

جەلتوقسان كوتەرىلىسىنەن سوڭ ەڭسەسى تۇسكەن ۇلتىمىزدىڭ كوڭىلىنە كوكتەم ورناتا ورالعان مەيرامنىڭ رەسمي مارتەبەگە جەتۋى جولىنداعى تاباندى كۇرەس شەجىرەسىنە اينالعان ماقالانىڭ مازمۇنى جاستاردى ايرىقشا تەبىرەنىسكە ءتۇسىرىپ، ماقساتقا جەتۋ جولىندا تىزە قوسا قيمىلداعان ەسىمى ەلگە ەلەۋلى تۇلعالارىمىزدىڭ قاجىرلى ەڭبەكتەرى ءسۇيىندىردى.

زاڭعار جازۋشى شىڭعىس ايتماتوۆ پەن مۇحتار شاحانوۆتىڭ اراسىنداعى اينىماس دوستىق حاقىندا تۇسىرىلگەن تالانتتى رەجيسسەر، مارقۇم بەكقال ءابىشتىڭ «قوس بايتەرەك دوستىعى» دەرەكتى ءفيلمىنىڭ ءۇزىندىسى بولىپ تابىلاتىن، ناۋرىز مەرەكەسىنىڭ ورالۋىنا ارنالعان بەينەروليكتىڭ نازارعا ۇسىنىلۋى - باسقوسۋدىڭ باعاسىن وسىرە ءتۇستى.

تاريح ءتىرىلىپ، تەرمە تولقىپ، كۇي كۇمبىرلەگەن كەشتەن ءبىلىمپاز جاستار ۇلكەن اسەرمەن تارقاستى.              

مىرزاحان بايبولوۆ،

گازي ۋنيۆەرسيتەتى جۋرناليستيكا ماماندىعى بويىنشا دوكتورانت