رەسەي ۋكرايناعا باسىپ كىرگەلى ەكى ەلدىڭ سىرتقى ىستەر مەكەمەلەرىنىڭ باسشىلارى العاش جۇزدەسىپ وتىر.

كەزدەسۋ ون مينۋت قانا بولعان. اقش مەملەكەتتىك دەپارتامەنتىندەگى دەرەككوزگە سىلتەگەن Reuters جانە New York Times وسىلاي حابارلادى. كەزدەسۋ بولاتىنى جايلى كۇنى بۇرىن ايتىلماعان.

اقش وكىلىنىڭ ايتۋىنشا، كەزدەسۋدە بلينكەن ءۇش ماسەلەنى ءسوز ەتكەن: ول اقش ۋكراينانى قولداي بەرەتىنىن ايتقان جانە رەسەيدى ستراتەگيالىق شابۋىلداۋشى قارۋلاردى شەكتەۋ كەلىسىمىن ساقتاۋعا شاقىرعان جانە رەسەي كولونياسىندا جاتقان امەريكالىق پول ۋيلاندى بوساتۋدى وتىنگەن.

لاۆروۆ نە ايتقانى تۋرالى اقپارات جوق. رەسەي ءمينيسترىنىڭ ءوزى بۇل جايىندا ەشتەڭە ايتپادى. ەلدىڭ سىرتقى ىستەر مينيسترلىگى تەك قىسقا عانا كەزدەسۋ بولعانىن راستادى.

رەسەي مەن قىتاي ۋكرايناداعى سوعىسقا قاتىستى سويلەمدەرىمەن كەلىسپەگەندىكتەن، G20 كەزدەسۋىنە قاتىسۋشىلار بىرلەسكەن كومميۋنيكە قابىلدامادى. تەك توراعا – ءۇندىستان اتىنان قورىتىندى مالىمدەمە جاريالاندى. وندا نەگىزىنەن ەكونميكالىق ماسەلەلەر، سونىڭ ىشىندە ۋكراينادان استىق ەكسپورتتاۋدى كوزدەيتىن استىق كەلىسىمىنىڭ ماڭىزى تۋرالى ايتىلادى. سونىمەن بىرگە ءۇندىستان ەكونوميكاسى ەڭ ءىرى مەملەكەتتەردىڭ باسىن قوساتىن G20 مۇشەلەرىنىڭ باسىم بولىگى سوعىستى ايىپتاعانىن اتاپ ءوتتى.

Abai.kz