«AMANAT» پارتياسىنان الماتى قالاسى ءماسليحاتىنا پارتيالىق ءتىزىم بويىنشا ۇسىنىلعان دەپۋتاتتىققا كانديداتتاردىڭ بەلسەندىلىگى ارتتى. ەكىنشى ۇگىت اپتالىعىنىڭ قورىتىندىسى بويىنشا ولار 325 ءىس-شارا وتكىزىپ، وعان 48 مىڭعا جۋىق قالا تۇرعىنى قاتىستى.

ۇگىت-ناسيحات كەزدەسۋلەرى ءار ءتۇرلى ۇجىمداردا ءوتتى، اماناتتىقتار حالىقتىڭ بارلىق توبىن بارىنشا قامتىپ ءجۇر. كەزدەسۋلەردە دەپۋتاتتىققا كانديداتتار مەگاپوليستىڭ وزەكتى ماسەلەلەرىنىڭ ناقتى شەشىمىن قامتيتىن «AMANAT» پارتياسىنىڭ سايلاۋالدى باعدارلاماسىن ەگجەي-تەگجەيلى ءتۇسىندىرىپ ءجۇر.

«ۇگىت-ناسيحات جۇمىسىنىڭ ەكى اپتالىق قورىتىندىسى بويىنشا سايلاۋشىلاردىڭ اماناتتىقتاردىڭ ۇگىت-ناسيحات جۇمىسىنا دەگەن قىزىعۋشىلىعىنىڭ ارتقانىن كورسەتەدى. بۇعان سەبەپ «AMANAT» پارتياسىنىڭ الماتى قالالىق فيليالى ءوزىنىڭ وڭىرلىك سايلاۋالدى باعدارلاماسىن الماتىلىقتاردىڭ قاجەتتىلىكتەرى مەن تىلەكتەرىنە نەگىزدەگەن. قالا تۇرعىندارىن تولعاندىرعان ءاربىر سالاداعى ماسەلەنىڭ شەشىمى سايلاۋالدى باعدارلامادا كورىنىس تاپقان»، — دەدى كوپبالالى انا، دەپۋتاتتىققا كانديدات ديانا ەرلان.

سونىمەن قاتار، كوپتەگەن جەكە قابىلداۋلار دا ءوتتى. الماتىلىقتار كوشەلەرگە جوندەۋ جۇرگىزۋدى، تالدى كەسۋدى توقتاتىپ، سيرەك كەزدەسەتىن اۋرۋلارى بار بالالاردى ءدارى-دارمەكپەن قامتاماسىز ەتۋ مەن ءبىلىم بەرۋ سالاسىن دامىتۋعا كومەكتەسۋدى سۇرادى. پيك-تەن ميب-كە كوشۋ تەتىگىن جەتىلدىرۋ قاجەتتىگى تۋرالى ايتىپ، كەيبىر اۋداندارداعى حقكو جۇمىسىنا شاعىمداندى.

سونداي-اق، تۇرعىنداردى جەكە سوت ورىنداۋشىلارىنىڭ قىزمەت كورسەتۋ ساپاسى مەن قوعامدىق كولىكتىڭ جۇمىسى تولعاندىردى. بۇدان وزگە الماتىدا قوعامدىق دارەتحانانىڭ بولماۋى، ەكولوگيا ماسەلەسى، زەينەتاقىنى ۇلعايتۋ مەن يپوتەكا بەرۋ جۇيەسىن رەفورمالاۋ قاجەتتىگىن تىلگە تيەك ەتتى. مۇمكىندىگى شەكتەۋلى ادامدار مەگاپوليستە ەرەكشە قاجەتتىلىگى بار ادامدارعا ارنالعان الەۋمەتتىك جانە شىعارماشىلىق باعدارلامالارعا مەملەكەتتىك قولداۋدى ارتتىرۋعا جاردەمدەسۋدى سۇرادى. سونىمەن قاتار، بالالار ءۇيىنىڭ قىزمەتكەرلەرى ولار ءۇشىن جالاقىنى كوتەرۋگە قول جەتكىزۋدى، بالالار سپورت ۇيىرمەلەرىنە، ەمدەۋ ورتالىقتارىنا جانە مەكتەپتەردەگى قوسىمشا ساباقتارعا تەگىن بارۋدى سۇرادى. الماتىلىقتاردىڭ بارلىق تالاپ-تىلەگى اۋىزشا ءارى جازباشا تۇردە قابىلداندى.

وسى اپتادا پارتيالىقتاردىڭ ۇگىت-ناسيحات جۇمىسى اياسىندا «ەسىكتەن ەسىككە» اكتسياسى دا ءوز دەڭگەيىندە ءوتتى. اماناتتىقتار «جاستار رۋحى» اكتيۆىمەن بىرلەسىپ، ءار اۋدانداعى كوپپاتەرلى جانە جەكە ۇيلەردى ارالاپ شىقتى. پارتيالىق ءتىزىم بويىنشا كانديداتتار بەلسەندى جاستارمەن بىرگە قالا تۇرعىندارىن پارتيانىڭ سايلاۋالدى باعدارلاماسىمەن تانىستىرىپ، الماتىلىقتاردى تولعاندىراتىن سۇراقتارعا جاۋاپ بەردى. «ەسىكتەن ەسىككە» اكتسياسى شامامەن 10 مىڭ الماتىلىقتى قامتىدى.

«الماتى، ارينە، جاستار ورتالىعى. ولار ەلدىڭ ماڭىزدى ستراتەگيالىق رەسۋرسى. ويتكەنى ەلدىڭ بولاشاعى جاستارمەن بايلانىستى. پارتيا تاراپىنان باسەكەگە قابىلەتتى جاستاردى قالىپتاستىرۋ وتە ماڭىزدى. ويتكەنى، قالىپتاسىپ كەلە جاتقان ازاماتتىق قوعام جاستاردىڭ ەلدىڭ قوعامدىق-ساياسي ومىرىنە بەلسەندى قاتىسۋىن تالاپ ەتەدى. ءبىزدىڭ قاتارىمىزعا جاستاردىڭ كوپ بولىپ قولداۋ بىلدىرگەنى قۋانتادى»، — دەپ اتاپ ءوتتى دەپۋتاتتىققا كانديدات، الماتى قالاسى بويىنشا «جاستار رۋحى» جاستار قاناتىنىڭ توراعاسى اقەجان كەڭەسوۆ.

الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz