رەسەي قارا تەڭىز فلوتىنىڭ ءبىر توپ اسكەري قىزمەتكەرلەرى سوعىسقا قاتىسۋدان باس تارتتى. بۇل The Moscow News حابارلادى.

قارا تەڭىز فلوتى جاعالاۋ قورعانىسى 126-بريگاداسىنىڭ كەلىسىمشارتپەن اسكەري بورىشىن وتەپ جاتقان 20-عا جۋىق اسكەري قىزمەتكەرى قىزمەتتەن بوساتىلۋ جونىندە بايانات تاپسىردى. ولار باياناتتا كەلىسىمدە كورسەتىلگەن شارتتاردىڭ ورىندالماي وتىرعانىن ايتتى.

پورتالدىڭ حابارلاۋىنشا، اسكەري قىزمەتكەرلەر وزدەرىن اسكەردەن بوساتۋ جونىندەگى ءوتىنىشتى جەلتوقسان ايىندا جازىپ قويعان. قازىر ولار رەسەي ارمياسى باسىپ العان حەرسون وبلىسىنداعى بەكەتتەردىڭ بىرىندە ءجۇر.

قازىر رەسەي جاۋىنگەرلەرىنىڭ اراسىندا سوعىسقا قاتىسۋدان باس تارتىپ جاتقاندار كوبەيىپ كەلەدى. ولار دايىندىقتىڭ بولماۋىن، ءتيىستى قارۋ-جاراقتىڭ جوقتىعىن سەبەپ ەتىپ كورسەتىپ جاتىر.

Abai.kz