دۇيسەنبى, 15 شىلدە 2024
بيلىك 1621 2 پىكىر 13 ناۋرىز, 2023 ساعات 13:20

دوس كوشىم: باقىلاۋشىلار بىرىگە باستادى...

ساياساتكەر دوس كوشىم «قاسقا جول» YouTube ارناسىنا بەرگەن سۇباتىندا الدا وتەتىن ءماجىلىس جانە ماسليحات سايلاۋىنا «Baqyla» قوعامدىق قوزعالىسىنىڭ اتىنان بايقاۋشىلىق جاسايتىن ازاماتتارعا سەمينار-ترەنينگتەر وتكىزىپ جاتقانى تۋرالى ايتتى.

«سوڭعى ءبىر-ەكى جىلدا باقىلاۋشىلاردىڭ توپتارى ءبىر-بىرىمەن بىرىگە باستادى. بۇل وتە جاقسى نارسە. ويتكەنى مىنا جاقتا ءجۇز ادام، انا جاقتا ءجۇز ادام بولىپ بولىنبەي، ءبىر توپقا جينالا باستادى. مىسالى مەنى «Baqyla» دەگەن قوعامدىق قوزعالىس شاقىردى. وسىدان ءۇش اي بۇرىنعى پرەزيدەنتتىك سايلاۋدا ولار 3000 ادام قويامىز دەدى، ناتيجەسىندە 2500 ادامدى قويدى. قازىر ءماجىلىس سايلاۋىنا 5000-عا جۋىق ادامدى دايىنداپ جاتىر. مەن باقىلاۋشىلاردى وقىتۋمەن اينالىسىپ جاتىرمىن»، - دەدى ساياساتكەر.

جۇرگىزۋشىنىڭ «ديرەكتورلار، مۇعالىمدەر ت.ب. داۋىس بەرۋ كەزىندە زاڭسىزدىقپەن اينالىسپاۋى ءۇشىن نە ىستەۋىمىز كەرەك؟» دەگەن سۇراعىنا «سايلاۋ كوميسسياسىنا كىرگەندە ادام انت بەرۋى كەرەك» دەپ جاۋاپ بەردى.

«بەرىلگەن انت ءبىراز نارسەنى ۇستايدى ەكەن. مىسالى: امەريكادا پوليتسيادا، پروكۋراتۋرادا ىستەيتىندەر انت بەرەدى. بىزدە تەك اسكەرگە بارعاندار «وتاندى قورعايمىن» دەپ انت بەرەدى عوي. انت دەگەنىمىز جاۋاپكەرشىلىك جۇكتەيدى. انت بەرگەن ۋاقىتتا قانداي دەڭگەيدە بولار ەدى؟ مەيلى بىرەۋ قۇرانعا، بىرەۋ كونستيتۋتسياعا قولىن قويسىن دەيمىز. بىراق سايلاۋ كوميسسياسىنىڭ توراعالارى مۇنى ەستىگەندە تۇرلەرى بۇزىلىپ كەتەدى... جالپى ار-ۇياتى بار ادامنىڭ انتتان اتتاۋى قيىن بولادى. مەن مۇنى جوعارى جاققا ۇسىندىم. ەڭ قۇرىعاندا انت بەرسىن»، - دەدى دوس كوشىم.

ساياساتكەر وسى كۇنگە دەيىن ەلىمىزدە وتكەن سايلاۋلاردا داۋىس ساناۋ كەزىندە زاڭسىزدىققا جول بەرگەن ادامدار ءۇشىن قولدانىلاتىن جازانىڭ وتە جەڭىل ەكەنىن ايتادى.

«بىزدە سايلاۋ كوميسسياسى مۇشەلەرى زاڭ بۇزعان جاعدايدا 4 جىلعا سوتتالادى. بۇل زاڭدا بار. بىراق سوتتامالماق تۇگىلى، ءبىر رەت ايىپپۇل سالىنعانىن كورمەپپىن. قانشاسىن ۇستادىق. ءوز قولىمەن «مەن فالسيفيكاتسيا جاسادىم» دەپ جازىپ بەرگەن ادام، ەرتەڭىنە تەك سايلاۋ كوميسسياسىنىڭ توراعالىعىنان ءتۇستى»، - دەدى دوس كوشىم.

ساياساتكەردىڭ ويىنشا، وسىلاي ادام قۇقىعىنا قارسى قىلمىس جاساعان ادامدى 25 جىلعا دەيىن سوتتاۋ كەرەك.

«ادام قۇقىعىنا قارسى جاسالعان قىلمىس - ەڭ اۋىر قىلمىس. ەگەر زاڭ بۇزعان ديرەكتورلاردى، ۋچاسكەلىك سايلاۋ كوميسسيالارىنىڭ باسشىلارىن سوتتاپ جىبەرسە، زاڭسىزدىق بىردەن تىيىلار ەدى»، - دەيدى ول.

دوس كوشىم سۇحبات بارىسىندا قازاقستاندا 1999 تاۋەلسىز باقىلاۋشىلار ۇيىمىن قۇرعانىن ايتتى.

«سول ءۇشىن امەريكادان ءبىر باقىلاۋشىلار ينستيتۋتىن الىپ كەلدىم. التى جىل بويىنا ەلدەگى سايلاۋدى باقىلادىق. وسىلايشا قازاقستاندا باقىلاۋشىلار ينستيتۋتى قالىپتاستى»، - دەدى سپيكەر.

Abai.kz

2 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1207
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1897
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1941