قازاقستان ءساۋىر ايىندا گەرمانياعا تاعى 20 مىڭ توننا مۇناي جونەلتەدى. ەنەرگەتيكا ءمينيسترى بولات اقشولاقوۆ ايتتى.

«دوستىق» تۋرالى ايتساق، العاشقى پارتيا كەتكەنىن بىلەسىزدەر. ەكىنشى پارتياسى ناۋرىز ايىندا 20 مىڭ توننا بولادى. ناقتى قاشان ەكەنىن قازىر ايتۋ قيىن. قۇجاتتاردى راسىمدەپ جاتىرمىز. العاشقى پارتيا 300 مىڭ توننا بولادى دەپ كەلىسكەنبىز – ايىنا 20 مىڭ توننادان. 20 مىڭ دەگەنىمىز ءدال سول كەلىسىمنىڭ مىندەتتەمەسىنە سايكەس كەلەدى. سوندا ايىنا ورتا ەسەپپەن 20 مىڭ توننا دەگەن ءسوز»، - دەدى بولات اقشولاقوۆ.

سونداي-اق، ول جۋرناليستەردىڭ ساۋالىنا جاۋاپ بەرە وتىرىپ، ءساۋىر ايىندا دا 20 مىڭ توننا جونەلتۋ جوسپارلانعانىن راستادى.

Abai.kz