ىشكى ىستەر ءمينيسترى مارات احمەتجانوۆ «كونسترۋكتور» كولىكتەر قالاي زاڭداستىرىلاتىنىن ءتۇسىندىردى، دەپ حابارلايدى Ulysmedia.kz.

«2014 جىلى جول ەرەجەسى تۋرالى زاڭعا وزگەرىستەر ەنگىزىلدى. سول جەردە قازاقستاندا ونداي اۆتوكولىكتەردىڭ جۇرۋىنە تىيىم سالىنعان. 2015 جىلى ەۋرازيا ەكونوميكالىق وداعى اياسىندا دا وسىنداي اۆتوكولىكتەر قوزعالىسىنا تىيىم سالىندى. بىراق پرەزيدەنتتىڭ تاپسىرماسى بولعاسىن ونى زاڭداستىرىپ بەرەمىز. بىراق ونى ەرتەڭ باسقا بىرەۋگە ساتۋعا تىيىم سالامىز»، - دەدى مينيستر ۇكىمەت كۋلۋارىندا.

احمەتجانوۆتىڭ سوزىنشە، ەلىمىزدە 1,5 مىڭ “كونسترۋكتور” كولىك بار.ولاردىڭ ءبارىن بىردەي زاڭداستىرىلمايدى.

«ولاردىڭ جول قاۋىپسىزدىگىنە تەحنيكالىق سەرتيفيكاتىن قارايمىز. ەگەر قاۋىپسىز بولسا، زاڭداستىرىپ بەرەمىز»، - دەدى ءىىم باسشىسى.

ەسكە سالساق، بۇدان بۇرىن اكىمشىلىك پوليتسيا كوميتەتى «اشىق» نقا پورتالىندا قازاقستانعا بولشەكتەپ اكەلىنىپ، قۇراستىرىلعان كولىكتەردى زاڭداستىرۋعا رۇقسات بەرىلەتىنى جايلى ۇكىمەت قاۋلىسىن جاريالاعان.

Abai.kz