بەيسەنبى, 28 ناۋرىز 2024
1350 0 پىكىر 15 ناۋرىز, 2023 ساعات 13:24

سۋ تاسقىنى: بقو-دا توتەنشە جاعداي

باتىس قازاقستان وبلىسىنىڭ قاراتوبە اۋدانىندا كوكتەمگى سۋ تاسقىنىنا بايلانىستى جەرگىلىكتى اۋقىمداعى تابيعي سيپاتتاعى توتەنشە جاعداي جاريالاندى، دەپ حابارلايدى قازاقپارات.

قاراتوبە اۋدانى اكىمىنىڭ ورىنباسارى قايرات تولەپوۆتىڭ ايتۋىنشا، قازىرگى كەزدە بارلىق ءىس-شارالار وسى شەشىمگە سايكەس اتقارىلۋدا.

ونىڭ سوزىنە قاراعاندا، كۇنى بۇگىن قورجىن اۋىلىندا قاۋىپ سەيىلدى.

«وبلىستىق توتەنشە جاعدايلار دەپارتامەنتى ماماندارى كەلىپ، سونداي-اق جەرگىلىكتى اتقارۋشى ورگاندار كۇشىمەن سۋدىڭ استىنداعى مۇزدى جارىپ، اعىسپەن اعىزىپ جىبەرۋ، باسقا دا جۇمىستار قولعا الىندى. سونىڭ ناتيجەسىندە سۋ كەتتى. قازىرگى كەزدە سۋ باسقان ۇيلەر جوق. تۇرعىندار ءوز ۇيلەرىندە تۇرىپ جاتىر»، دەدى ق.تولەپوۆ.

بقو تج دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي، وبلىستىق ماڭىزى بار جىمپيتى-قاراتوبە جولىنىڭ 102-شاقىرىمىندا جولدى سۋ شايىپ كەتتى. سونىڭ سالدارىنان قاراتوبە اۋدانىندا 9 ەلدى مەكەنمەن قاتىناس ءۇزىلدى. قازىرگى كەزدە وقيعا ورنىندا جولدى قالپىنا كەلتىرۋ جۇمىستارى جۇرگىزىلۋدە.

ەسكە سالا كەتەيىك، بۇدان بۇرىن باتىس قازاقستاننىڭ بايتەرەك اۋدانىندا توتەنشە جاعداي جاريالاندى.

سونداي-اق اقساي قالاسىندا ۇيلەرگە سۋ كىرىپ، 13 ادام ەۆاكۋاتسيالاندى.

ورالدا سۋ باسۋ قاۋپىنە بايلانىستى ماشتاكوۆ اۋىلىنان تۇرعىندار كوشىرىلدى.

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500