وڭتۇستىك كورەيانىڭ ينچحون اۋەجايىنان قاشىپ، قالاعا كىرمەك بولعان قازاقستان ازاماتىن تاپقان ادامعا كورەيا بيلىگى 10 ملن تەڭگەدەن استام اقشا بەرمەك.

بۇل جونىندە ەگجەي-تەگجەيلى اقپاراتتى كورەيا جاڭالىقتارى پاراقشاسى تاراتتى، دەپ حابارلايدى Ulysmedia.kz.

پاراقشانى جۇرگىزەتىن ازاماتتىڭ ايتۋىنشا، وڭتۇستىك كورەيادا قاشىپ جۇرگەن نۇرسۇلتان ىرىسباەۆتى ۇستاۋ ءۇشىن سونداعى بيلىك 30 ملن ۆون (10 ملن تەڭگەدەن استام قاراجات) سىياقى تاعايىنداعان.

«كورەيا ەلىندە جۇرگەن وتانداستار! نۇرسۇلتانعا كومەك بەرىپ جاتقان وتانداستار! سىزدەردىڭ قۇلاقتارىڭىزعا التىن سىرعا! قازىر عانا كەلگەن اقپارات: ەگەر كىمدە-كىم نۇرسۇلتانعا كومەك بەرىپ جاتقان بولسا نە بولماسا ونىڭ جاسىرىنعان جەرىن بىلە تۇرا اقپارات بەرمەي جاتسا، كومەك بەرىپ جاتقان ازاماتتار دا كورەيا ەلىنەن شىعارىلىپ، دەپورتاتسياعا ۇشىرايدى. ۇلكەن ايىپپۇل ارقالايدى. سوندىقتان، نۇرسۇلتاننىڭ جانىنداعى ازاماتتار قورىقپاي بايلانىسقا شىقساڭىزدار بولادى. سىزدەر تۋرالى اقپارات ەشقايدا بەرىلمەيدى»، - دەيدى پاراقشا يەسى.

ەسكە سالا كەتسەك، ينچحون اۋەجايىنان قازاقستاننىڭ ەكى ازاماتى قاشىپ شىعىپ، ولاردىڭ بىرەۋى ۇستالعانى كەشە حابارلانعان بولاتىن. كەلتىرىلگەن اقپاراتقا سۇيەنسەك، ينچحون اۋەجايىنان قازاقستاننىڭ ەكى ازاماتى قاشىپ، قالاعا كىرمەك بولعان. ولاردىڭ ءبىرىنىڭ ەسىمى نۇرسۇلتان ىرىسباەۆ، ال ەكىنشىسى ۋميجان نارزۋللاەۆ ەكەنى ايتىلادى. كەيىن ۋميجان نارزۋللاەۆ (2002 جىلعى) تەدجون قالاسىندا ۇستالعانى حابارلانعان. تەدجون حالىق ارالىق پوليتسياسى قاشقىندى GS25 دۇكەنىندە تەلەفونىن قۋاتتاپ وتىرعان جەرىنەن قاماۋعا العان.

كەيىن قازاقستان سىرتقى ىستەر مينيسترلىگىنىڭ رەسمي وكىلى ايبەك سمادياروۆ وڭتۇستىك كورەياعا كىرۋگە تىيىم سالىنعانىنا قاراماستان اتالعان ەلگە زاڭسىز كىرىپ كەتكەن وتانداستارىمىز تۋرالى مالىمدەمە جاسادى.

Abai.kz