بۇنىڭ الدىندا زاڭدى وزگەرتۋ تۋرالى باستاما كوتەرگەن دەپۋتاتتار زاڭ جوباسى سۋديالارعا تاۋەلسىز بولۋعا كومەكتەسەدى، سوتتىڭ اپەللياتسيالىق ينستانسيادا ءىستى تولىققاندى قاراۋعا قۇزىرەتىن كەڭەيتەدى دەپ مالىمدەگەن. اپەللياتسيالىق ينستانتسيا قىلمىستىق جانە ازاماتتىق ىستەردى ءبىرىنشى ينستانتسياعا قايتارماي، ولاردى ءوزى تۇزەتە الادى. زاڭ جوباسىنىڭ اۆتورلارى مۇنداي قۇزىرەت سوت قاتەلىگىن ازايتىپ، سوت ۇكىمدەرىنىڭ ساپاسىن ارتتىرادى دەپ ەسەپتەيدى.

جوعارعى سوت سۋديالارىن پارلامەنت سەناتى سايلايدى. مۇنداي قىزمەتكە ۇمىتكەرلەردى پرەزيدەنت ۇسىنادى. اۋداندىق سوت توراعالارىن سايلاۋ ەلەمەتتەرى ەنگىزىلەدى. ولاردى ءوزىن-ءوزى باسقارۋ سوت ورگاندارى سايلايدى.

قازاقستان بيلىگى زاڭنامالاردى جەتىلدىرۋ باعىتىندا اتقارىلىپ جاتقان شارالاردى ساياسي رەفورما دەپ كورسەتۋگە تىرىسىپ جاتىر، بىراق بيلىكتى سىناۋشىلار مۇنداي بولماشى وزگەرىستەردىڭ اسەرى جوق دەپ ەسەپتەيدى.

Abai.kz