جەكسەنبى, 14 شىلدە 2024
1714 1 پىكىر 30 ناۋرىز, 2023 ساعات 13:24

اقش پەن رەسەي اراسىنداعى يادرولىق داۋ ءورشي ءتۇستى

سەيسەنبى كۇنى اق ءۇي اقش-تىڭ رەسەيمەن يادرولىق كۇشتەر تۋرالى مالىمەت الماسۋدى دوعارۋ جونىندە شەشىم قابىلداعانىن جاريالادى. "امەريكا داۋىسىنىڭ" حابارلاۋىنشا، ەكى ەل جىلدار بويى ستراتەگيالىق شابۋىل قارۋىن شەكتەۋ (سشق-3) جونىندەگى كەلىسىم اياسىندا مالىمەت الماسىپ كەلگەن.

اقش ۇلتتىق قاۋىپسىزدىك كەڭەسى توراعاسىنىڭ مالىمدەۋىنشە، اقپارات الماسۋدى دوعارۋ جونىندەگى شەشىم رەسەيدىڭ كەلىسىمدى ۋاقىتشا توقتاتۋىنا بايلانىستى قابىلدانعان.

2023 جىلعى 21 اقپاندا ۆلاديمير پۋتين رەسەي سشق-3 كەلىسىمىنە قاتىسۋدى ۋاقىتشا توقتاتادى دەپ مالىمدەگەن. بىراق رەسەي اقش-پەن جاسالعان كەلىسىمنەن تولىق شىقپايدى.

2011 جىلعى اقپاندا قابىلدانىپ، 2021 جىلدىڭ باسىندا مەرزىمى سوزىلعان قۇجات 2026 جىلى كۇشىن جويادى. قۇجات ستراتەگيالىق يادرولىق وقتۇمسىقتار سانىن شەكتەۋدى قاراستىرادى. وسى كەلىسىم اياسىندا اقش پەن رەسەي يادرولىق ستراتەگيالىق كۇشتەرىنىڭ جاعدايى تۋرالى مالىمەت الماسىپ كەلگەن.

2020 جىلعى 1 قىركۇيەكتە جاريالانعان سوڭعى مالىمەت بويىنشا، رەسەيدە 1447 ستراتەگيالىق وقتۇمسىق بار. 2018 جىلعى 5 اقپاندا رەسەي دە، اقش تا ستراتەگيالىق يادرولىق كۇشتەرىن شەكتەۋ تالاپتارىن ورىنداعان. سودان بەرى ولاردىڭ يادرولىق قورى كەلىسىمدە بەلگىلەنگەن نەمەسە ودان تومەن دەڭگەيدە ساقتالىپ كەلگەن.

Abai.kz

1 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1193
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1866
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1912