تالدىقورعان سوتىندا لاۋازىمدى ادامنىڭ بيلىگى مەن لاۋازىمدىق وكىلەتتىگىن اسىرا پايدالانۋ فاكتىسى بويىنشا ءسابيت قۇرماناليەۆكا قاتىستى ءىس قارالدى (قك 362-بابىنىڭ 4-بولىگى).

ءسابيت قۇرماناليەۆ الماتى وبلىسى ۇقكد باستىعى كەزىندە ءوزىنىڭ لاۋازىمدىق وكىلەتتىگىن اسىرا پايدالانىپ، 2022 جىلعى 5 قاڭتارداعى وقيعالاردى ەسكەرە وتىرىپ، ءوز لاۋازىمدىق مىندەتتەرىن ەلەمەي، جەكە قۇرامعا دەپارتامەنت عيماراتىن قورعاۋ جونىندە شارا قولدانباۋعا، اكىمشىلىك عيماراتتان كەتۋگە، قىزمەتتىك جانە قۇپيا قۇجاتتامانى جويۋعا جانە تۇرعىلىقتى جەرلەرىنە تاراۋعا زاڭسىز بۇيرىق بەرگەن، ناتيجەسىندە كەيىننەن ۇقكد عيماراتىن باسىپ الۋعا اكەپ سوقتىردى («قۇپيا» دەگەن بەلگىگە بايلانىستى باسقا ءمان-جايدى جاريا ەتۋ مۇمكىن ەمەس).

سوت ۇكىمىمەن ءسابيت قۇرماناليەۆ 362-باپتىڭ 4-بولىگى بويىنشا كىنالى دەپ تانىلدى جانە 10 جىل قۇقىق قورعاۋ ورگاندارىندا بەلگىلى ءبىر لاۋازىم اتقارۋ قۇقىعىنان جانە 6 جىلعا باس بوستاندىعىنان ايىرىلدى.

قازاقستان پرەزيدەنتىنە ءسابيت قۇرماناليەۆتى ۇلتتىق قاۋىپسىزدىك گەنەرال-مايورى ارناۋلى اتاعىنان جانە مەملەكەتتىك ناگرادالار مەن وردەندەردەن ايىرۋ تۋرالى ۇسىنىس ەنگىزىلدى.

سوت ۇكىمى زاڭدى كۇشىنە ەنگەن جوق.

Abai.kz