قازاقستاندا جانارماي جەتىسپەۋشىلىگىن الدىن الۋ ءۇشىن ايماقتاردا مۇناي بازالارى تەكسەرىلمەك. بۇل تۋرالى ەلدىڭ ەنەرگەتيكا مينيسترلىگى حابارلادى.  

"ەل بويىنشا ديزەل مايىنىڭ جالپى قورى 308,56 توننانى قۇرايدى. بۇل 2023 جىلدىڭ 1 قاڭتارىنداعى قوردان 59 مىڭ تونناعا كوپ. سونىمەن بىرگە ايماقتارداعى بىرقاتار ماي قۇيۋ ستانتسيالارىندا ديزەل مايىن ساتۋعا شەكتەۋلەر بولىپ جاتىر", - دەپ جازىلعان مالىمدەمەدە.

3 ساۋىردە ەنەرگەتيكا مينيسترلىگى بەنزيننىڭ جوعارعى باعاسىن 11%، ديزەل مايىن 20% كوتەرۋگە شەشىم قابىلداعان. بۇل شەشىم مۇناي جەتىسپەۋشىلىگىنىڭ الدىن الۋىمەن تۇسىندىرگەن. مەكەمە مۇنى كورشى ەلدەرگە كولەڭكەلى جولمەن ەكسپورتتاۋ سالدارى دەپ اتادى.

4 ساۋىردە ەنەرگەتيكا مينيسترلىگى "گاز باعاسىنىڭ تومەن بولۋى ونى بەيبەرەكەت جۇمساۋعا الىپ كەلەتىنىن" جەتكىزىپ، الماتىدا جانە بىرنەشە ايماقتاردا اۆتوگازدى قىمباتتاتۋ جوسپارىن جاريالاعان.

Abai.kz