ەل پرەزيدەنتى قاسىم-جومارت توقاەۆتىڭ كۇشتىك قۇرىلىمداردى ءتيىمدى ۇيلەستىرۋدى قامتاماسىز ەتۋ، ولاردىڭ جەدەل جانە اسكەري-تەحنيكالىق ۇيلەسىمدىلىگىن جولعا قويۋ جونىندەگى تاپسىرمالارىن ورىنداۋ شەڭبەرىندە 2023 جىل باستالعاننان بەرى "بەكەت-2023", «كوكجال-2023» سياقتى تاكتيكالىق وقۋ-جاتتىعۋلار وتكىزىلدى.

اسكەري الەۋەتتى ەڭ ءدال انىقتايتىن ءادىس – شتابتىق ويىندار مەن سونىڭ نەگىزىندە بۇكىل اسكەردى قاتىستىرىپ وتكىزەتىن وقۋ-جاۋىنگەرلىك جاتتىعۋلار ەكەنى بەلگىلى. تەك شتابتىق ويىندار عانا كوماندوۆانيە الدە زەرتتەۋشى ءۇشىن اسكەري مۇمكىندىكتەردىڭ ايقىن دا ناقتى بەينەسىن تۇزە الادى. بىراق شتابتىق ويىندار – وتە قىمبات شارا. جانە تاعى ءبىر ەرەكشەلىگى – شتابتىق ويىنداردى جاۋىنگەرلىك ءداستۇرى دە، سالتى دا، ءتىپتى دۇنيەتانىمى دا باسقا ادامداردىڭ جۇرگىزۋى مۇمكىن ەمەس. ونداي وپەراتيۆتى ويىنداردى تەك جەرگىلىكتى كوماندالىق قۇرامنىڭ وفيتسەرلەرى عانا جۇرگىزە الادى، سەبەبى ويىن بارىسىندا ول مەملەكەتتىك قۇپياعا جاتاتىن كوپكە بەلگىسىز مالىمەتتەردى پايدالانادى. ال ونداي مالىمەتتەردىڭ بوتەن ەلدىڭ پۋبليكالىق ساراپشىلارىندا بولۋى ءتىپتى مۇمكىن ەمەس. بۇعان قوسا شتابتىق ويىندار – كوبىنە ورتاق شەكاراسى بار مەملەكەتتەردىڭ قاقتىعىسىن مودەلدەيدى.

ىقتيمال جاۋ رەتىندە ادەتتە كورشى ەلدەردىڭ ءبىرىنىڭ اياق استىنان شابۋىل جاساۋى قاپەرگە الىنادى.

كۇشتىك قۇرىلىمداردى ءتيىمدى ۇيلەستىرۋدى قامتاماسىز ەتۋ، ولاردىڭ جەدەل جانە اسكەري-تەحنيكالىق ۇيلەسىمدىلىگىن جولعا قويۋ جونىندەگى ەل پرەزيدەنتى قاسىم-جومارت توقاەۆتىڭ تاپسىرمالارىن ورىنداۋ اياسىندا جەتىسۋ وبلىسىنداعى اسكەري پوليگوندا دەسانتتىق-شابۋىلداۋ اسكەرلەرىنىڭ بولىمشەلەرىنىڭ تاكتيكالىق وقۋ-جاتتىعۋلارى جانە جەرگىلىكتى اتقارۋشى ورگاندارىنىڭ "بەكەت-2023" ۆەدومستۆوارالىق تاكتيكالىق وقۋ-جاتتىعۋى بولىپ ءوتتى. وعان دەسانتتىق-شابۋىلداۋ اسكەرلەرىنىڭ قۇرامالارى، ۇلتتىق ۇلاننىڭ، ۇلتتىق قاۋىپسىزدىك كوميتەتى شەكارا قىزمەتىنىڭ، توتەنشە جاعدايلار مينيسترلىگىنىڭ اسكەري بولىمدەرى مەن بولىمشەلەرى، قۇقىق قورعاۋ جانە جەرگىلىكتى اتقارۋشى ورگاندارى سونداي-اق 2000-نان استام اسكەري قىزمەتشى مەن مىڭ جارىمنان اسا قارۋ-جاراق پەن اسكەري تەحنيكا، ونىڭ ىشىندە ارميالىق، اسكەري-كولىكتىك، مايداندىق اۆياتسيا جانە ۇشقىشسىز ۇشۋ اپپاراتتارى قاتىستىرىلدى. اتالعان جاتتىعۋدىڭ نەگىزگى ماقساتى – گيبريدتى قاۋىپ-قاتەر جاعدايىندا ارەكەت ەتۋگە، ءارتۇرلى پروكسي-كۇشتەرگە قارسى تۇرۋعا دايىندىق.

"بەكەت-2023" ۆەدومستۆوارالىق تاكتيكالىق وقۋ-جاتتىعۋىن وقۋ-جاتتىعۋىن قورعانىس ءمينيسترى گەنەرال-پولكوۆنيك رۋسلان جاقسىلىقوۆ، جەتىسۋ وبلىسىنىڭ اكىمى بەيبىت يساباەۆ، ۇلتتىق ۇلاننىڭ باس قولباسشىسى گەنەرال-مايور ەركىن بوتاقانوۆ جانە وزگە دە كۇشتىك قۇرىلىمداردىڭ وكىلدەرى باقىلادى.

وسى جاتتىعۋ بارىسىندا ىشكى ىستەر مينيسترلىگىنىڭ پوليتسيا دەپارتامەنتى جەرگىلىكتى اتقارۋشى ورگاندار ورنالاستىرعان سۇرىپتاۋ پۋنكتى اۋدانىنا بەيبىت تۇرعىنداردى ەۆاكۋاتسيالاۋدى ۇيىمداستىرسا، وعان قاتىسۋشى بولىمشەلەر جاۋىنگەرلىك ماقساتتاعى اۋداندارعا جورىق جاساپ، بۇركەمەلەۋ، اسكەرلەر مەن باسقارۋ پۋنكتتەرىنىڭ توزىمدىلىگىن ارتتىرۋ ماسەلەلەرىن پىسىقتاۋعا قاتىستى ەلدى مەكەندى جاۋ قولىنان بوساتۋ بويىنشا وقۋ-جاۋىنگەرلىك ءىس-قيمىلدار جۇرگىزدى.

شتاب باستىعى – دەسانتتىق-شابۋىلداۋ اسكەرلەرى قولباسشىسىنىڭ ءبىرىنشى ورىنباسارى پولكوۆنيك الماس يسابەكوۆ:

– بۇل وقۋ-جاتتىعۋلاردىڭ بىرقاتار ەرەكشەلىگى بار. ونىڭ ىشىندە باسقا دا اسكەرلەرمەن جانە اسكەري قۇرالىمدارمەن ءوزارا ءىس-قيمىلدا جاۋىنگەرلىك مىندەتتەردى شەشۋ، اسكەري بولىمدەردىڭ ءوزىن-ءوزى قامتاماسىز ەتۋ جانە دەربەستىك دەڭگەيىن تەكسەرۋ، سونداي-اق قازىرگى زامانعى قارۋلى قاقتىعىستاردىڭ تاجىريبەسىن ەسكەرە وتىرىپ، جاۋىنگەرلىك ءىس-قيمىلداردى جۇرگىزۋ نىساندارى مەن تاسىلدەرىن جەتىلدىرۋ بار، – دەپ ءسوز ەتتى.

بۇدان وزگە وسى ءساۋىر ايىندا گۆاردەيسك گارنيزونىندا «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور مەرەكە كوشەكباەۆ باسشىلىق  ەتۋمەن «وڭتۇستىك» وڭىرلىك قولباسشىلىعىنىڭ «ماتىبۇلاق» وقۋ-جاتتىعۋ پوليگونىندا «كوكجال-2023» تاجىريبەلىك-زەرتتەۋ تاكتيكالىق وقۋ-جاتتىعۋىنىڭ سوڭعى كەزەڭى اياقتالدى. وقۋ-جاۋىنگەرلىك مىندەتتەردى پىسىقتاۋ ءۇشىن وقۋ-جاتتىعۋ شەڭبەرىندە روتالىق تاكتيكالىق توپتار ىشىنەن ءموبيلدى توپتار قۇرىلىپ، ءبىر اپتا بويى ارتيللەريالىق مەن ارميا اۆياتسياسى بولىمشەلەرىن جاۋىنگەرلىك جاعدايدا قولدانۋعا باسا نازار اۋدارىلعان بولىمشەلەردىڭ بىرلەسە جاۋىنگەرلىك ءىس-قيمىل جۇرگىزۋىندەگى جاڭا تاكتيكالىق ءادىس-تاسىلدەرىن پىسىقتالىندى. وسى تاكتيكالىق وقۋ-جاتتىعۋىنىڭ سوڭعى كەزەڭىنىڭ ءوتۋ  بارىسىن قر قورعانىس ءمينيسترى گەنەرال-پولكوۆنيك رۋسلان جاقسىلىقوۆ جەكە ءوزى قاداعالادى.

وسى تاكتيكالىق وقۋ-جاتتىعۋ بارىسىندا بولىمشەلەردەگى ءارتۇرلى توپتاردىڭ جانە زاقىمداۋ قۇرالدارىنىڭ مۇمكىندىكتەرىن زەرتتەۋ، ولاردىڭ وڭتايلى قۇرامىن جانە جاعدايدىڭ وزگەرۋىنە جەدەل ءارى ءتيىمدى جاۋاپ بەرۋ قابىلەتىن انىقتاۋ مىندەتتەرى العا قويىلىپ، ارتيللەريانى اتىس قۇرالدارى بارىنشا شوعىرلاندىرىپ، كلاسسيكالىق ادىستەر مەن قارسىلاستى جەڭۋ ادىستەرىمەن ۇتىمدى قولدانۋ ءۇشىن بولىمشە كومانديرلەرىنىڭ ءوز بەتىنشە شەشىم قابىلداۋىنا بارىنشا مۇمكىندىك بەرىلدى.

سونىمەن قاتار، تانككە قارسى ارتيللەريا قۇرالدارىمەن الىس قاشىقتىقتاعى قارسىلاستىڭ بروندى نىساندارىن قۇرتۋدىڭ جاڭا تاسىلدەرى دە وسى تاكتيكالىق وقۋ-جاتتىعۋ بارىسىندا سىنالدى.

«وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى گەنەرال-مايور مەرەكە كوشەكباەۆ «كوكجال-2023» تاجىريبەلىك-زەرتتەۋ تاكتيكالىق وقۋ-جاتتىعۋى تۋراسىندا:

– ءبىز اسكەري ونەردىڭ دامۋىن جانە سوڭعى جىلدارى بولىپ جاتقان قارۋلى قاقتىعىستاردى تالداي كەلە، ارتيللەريا، تانك، مەحانيكالاندىرىلعان جانە باسقا دا بولىمشەلەردى قولدانۋدىڭ جاڭا تاسىلدەرىن پىسىقتاپ جاتىرمىز، – دەپ اتاپ ءوتتى، – تاجىريبەلىك-زەرتتەۋ تاكتيكالىق وقۋ-جاتتىعۋىن وتكىزۋ كەزىندە كلاسسيكالىق جانە ستاندارتتى وقۋ-جاتتىعۋلاردان الشاقتاپ، جاڭا ادىستەردى سىناپ كوردىك،-دەپ ءوز ويىن ورتاعا سالدى.

ەڭ سوڭىندا قورعانىس ۆەدومستۆوسىنىڭ باسشىسى گەنەرال-پولكوۆنيك رۋسلان جاقسىلىقوۆ جەكە قۇرامدى «كوكجال-2023» وقۋ-جاتتىعۋدىڭ جاقسى اياقتالۋىمەن ءوز اتىنان قۇتتىقتاپ، ەرەكشە كوزگە تۇسكەن اسكەري قىزمەتشىلەرگە ەستەلىك سىيلىقتار تابىس ەتىپ، ەل قورعانىنىسنا ايتارلىقتاي پايدا تيگىزگەن يگى ءىستى اياقتادى.

Abai.kz