رەسەي قازاق مۇنايىنا تاعى تىيىم سالدى
كاسپي قۇبىر كونسورتسيۋمى قازاقستاندىق مۇنايدى تيەۋدى توقتاتتى، دەپ جازدى ازاتتىق.
اقپاراتقا قاراعاندا، 10 ساۋىردەن باستاپ تەڭىز تەرمينالى قوندىرعىلار ارقىلى مۇناي قابىلداۋدى توقتاتقان. كونسورتسيۋم وكىلدەرى “جوسپارعا ساي” ءۇزىلىس ەكەنىن ايتتى. قازاقستان ەنەرگەتيكا مينيسترلىگى تۇسىنىكتەمە بەرمەدى.
ەكونوميكاسى شيكىزاتقا تاۋەلدى قازاقستان مۇنايىنىڭ 80 پايىزى رەسەيلىك وسى قۇبىر جەلىسى ارقىلى حالىقارالىق نارىققا شىعارىلادى. رەسەي ۋكرايناعا باسىپ كىرگەننەن كەيىن اتالعان قۇبىر جەلىسىنىڭ جۇمىسى ءجيى توقتايتىن بولعان.
Abai.kz
