سەنبى, 29 اقپان 2020
جاڭالىقتار 2230 0 پىكىر 30 ءساۋىر, 2013 ساعات 05:13

«اق جول»: ەلباسىنىڭ XI ەۋرازيالىق مەديا فورۋمىندا ايتقان قاعيدالى ۇستانىمىن قىزۋ قولدايمىز!

«اق جول» پارتياسى سان عاسىر قانى مەن تەرى توگىلگەن اتا-بابالارىمىزدىڭ اڭساپ كەتكەن ارمانىنىڭ ورىندالۋىنىڭ جارقىن كورىنىسى - تاۋەلسىزدىگىمىزدى باياندى ەتىپ، ونىڭ ىرگەسىن بەكىتە ءتۇسۋ، ەلدى وركەندەتۋ، حالىقتىڭ ءال-اۋقاتىن كوتەرۋ، مەملەكەتتىكتى نىعايتۋ، قازاقستاننىڭ دەموكراتيالىق دامۋى جانە ۇلتىمىزدى جاhاندىق ەكونوميكالىق تايتالاسقا دايىن بولۋى باعىتىندا قىزمەت جاساۋدى ءوزىنىڭ باستى ماقساتى، قاسيەتتى پارىزى دەپ سانايدى.

تاۋەلسىزدىك سان عاسىردان بەرى وسى كەڭ بايتاق دالانى اق نايزانىڭ ۇشىمەن، اق بىلەكتىڭ كۇشىمەن ساقتاپ، بىزگە تابىستاپ كەتكەن باتىر اتا-بابالاردان، وتكەن عاسىردىڭ باسىندا قازاق الەمىنە شوق جۇلدىزداي جارقىراي شىققان، قازاق تاريحىندا تۇڭعىش رەت زاماناۋي ساياسي پارتيا مەن ۇكىمەت قۇرعان الاش ارىستارىنان قالعان امانات!

كەيىنگى كەزدە قازاقستان رەسپۋبليكاسىنىڭ تاۋەلسىزدىگىنىڭ بولاشاعىنا كۇمان كەلتىرۋشىلەر شىعا باستادى. اسىرەسە، مۇنداي پىكىر قازاقستان كەدەن وداعىنا قوسىلىپ،  ەۋرازيالىق ەكونوميكالىق وداققا  بەتتەپ بارا جاتقان سوڭ،  سىرتتان دا، ىشتەن دە ايتىلۋدا. ارينە، وداقتاسىڭ بۇرىنعى وتارلاۋشى ەل كەڭەس وداعىنىڭ مۇراگەرى رەسەي يمپەرياسى بولعاندىقتان، ولاردىڭ قاۋىپتەنۋىن تۇسىنۋگە بولادى.

«اق جول» پارتياسى سان عاسىر قانى مەن تەرى توگىلگەن اتا-بابالارىمىزدىڭ اڭساپ كەتكەن ارمانىنىڭ ورىندالۋىنىڭ جارقىن كورىنىسى - تاۋەلسىزدىگىمىزدى باياندى ەتىپ، ونىڭ ىرگەسىن بەكىتە ءتۇسۋ، ەلدى وركەندەتۋ، حالىقتىڭ ءال-اۋقاتىن كوتەرۋ، مەملەكەتتىكتى نىعايتۋ، قازاقستاننىڭ دەموكراتيالىق دامۋى جانە ۇلتىمىزدى جاhاندىق ەكونوميكالىق تايتالاسقا دايىن بولۋى باعىتىندا قىزمەت جاساۋدى ءوزىنىڭ باستى ماقساتى، قاسيەتتى پارىزى دەپ سانايدى.

تاۋەلسىزدىك سان عاسىردان بەرى وسى كەڭ بايتاق دالانى اق نايزانىڭ ۇشىمەن، اق بىلەكتىڭ كۇشىمەن ساقتاپ، بىزگە تابىستاپ كەتكەن باتىر اتا-بابالاردان، وتكەن عاسىردىڭ باسىندا قازاق الەمىنە شوق جۇلدىزداي جارقىراي شىققان، قازاق تاريحىندا تۇڭعىش رەت زاماناۋي ساياسي پارتيا مەن ۇكىمەت قۇرعان الاش ارىستارىنان قالعان امانات!

كەيىنگى كەزدە قازاقستان رەسپۋبليكاسىنىڭ تاۋەلسىزدىگىنىڭ بولاشاعىنا كۇمان كەلتىرۋشىلەر شىعا باستادى. اسىرەسە، مۇنداي پىكىر قازاقستان كەدەن وداعىنا قوسىلىپ،  ەۋرازيالىق ەكونوميكالىق وداققا  بەتتەپ بارا جاتقان سوڭ،  سىرتتان دا، ىشتەن دە ايتىلۋدا. ارينە، وداقتاسىڭ بۇرىنعى وتارلاۋشى ەل كەڭەس وداعىنىڭ مۇراگەرى رەسەي يمپەرياسى بولعاندىقتان، ولاردىڭ قاۋىپتەنۋىن تۇسىنۋگە بولادى.

2013 جىلدىڭ 25 ءساۋىر كۇنى استانادا  حالىقارالىق دەڭگەيدەگى ۇلكەن باسقوسۋ الاڭى - XI ەۋرازيا مەديا فورۋمىنا قاتىسىپ، ءسوز سويلەگەن قازاقستان رەسپۋبليكاسىنىڭ پرەزيدەنتى  نۇرسۇلتان نازارباەۆ بولاشاق ەۋرا­زيالىق وداقتىڭ مۇشەلەرى وزگە الەمنەن وقشاۋلانبايتىندىعىنا، بارلىق مەم­لەكەتتەرمەن بەلسەندى ىنتىماقتاستىقتى جالعاستىراتىندىعىنا سەندىردى. «ءبىز، ارينە، «بۇل نە قىلعان وداق» دەگەن ءسوز­دەردى ەستيمىز، بىزگە باسقا ەلدەرگە بارعاندا، سۇراق قويادى. ءتىپتى «رەسەي تاعى دا يمپەريا جيۋدا، جاڭا كەڭەس وداعىن قۇرۋدا» دەگەن بايلامدار اي­تۋدا. بارىپ تۇرعان ساندىراق! بىرىنشىدەن، بۇگىن الەمنىڭ اقپارات قۇرالدارى الدىندا ناقتى اتاپ كورسەتكىم كەلەدى: قازاقستان ءوزىنىڭ جۇزدەگەن جىلدىق تاريحىندا تۇڭعىش رەت تاۋەلسىزدىك الدى. ءبىزدىڭ حالقىمىز ءوز تاريحىندا العاش رەت ەركىن­دىك ءدامىن، ازاتتىق ءدامىن سەزىندى. ءبىز ەش كۇمانسىز، وسى تاۋەلسىزدىگىمىزدى ەشكىمگە بەرىپ قويعالى وتىرعان جوقپىز! ەگەر قاندايدا ءبىر بىرلەستىكتەر ەلىمىزدىڭ تاۋەلسىزدىگىنە، اتا زاڭىنا نۇقسان كەل­تىرسە، ءبىز دەرەۋ، سول ساتتە-اق ول ۇيىمدى تاستاپ شىعامىز!»،- دەپ مالىمدەدى. پرەزيدەنت بۇل جەردە  ماسەلە «تازا ەكونوميكالىق ينتەگراتسيا» تۇرعىسىندا بولىپ وتىرعانىن جانە ونداي ۇدەرىستەر بۇكىل الەمدە ءجۇرىپ جاتقانىن باسا ايتتى. ول «سوڭعى ەڭ كورنەكى مىسال» رەتىندە ەۋروپالىق وداقتى اتادى. «ءبىز وندا وتە ۇلكەن كەمشىلىكتەر، قاتەلىكتەر كورىپ وتىرمىز، ءبىز ول قاتەلىكتەرگە جول بەرگىمىز كەلمەيدى»،- دەدى.

وسىعان بايلانىستى «اق جول» قازاقستاننىڭ دەموكراتيالىق پارتياسىنىڭ ورتالىق كەڭەسى پرەزيديۋمى مالىمدەيدى:

1) تاۋەلسىزدىك ەشبىر دۇنيەمەن، الەۋمەتتىك-ماتەريالدىق يگىلىكتەرمەن ولشەنبەيتىن تەڭدەسسىز باستى بايلىعىمىز، بالاماسىز باقىتىمىز، ەڭ باستى قۇندىلىعىمىز. تاۋەلسىزدىگىمىزدى ساقتاۋ ءۇشىن ەش نارسەدەن دە ايانباۋىمىز كەرەك.

2) سول ءۇشىن «اق جول» پارتياسى ەلباسىنىڭ XI ەۋرازيالىق مەديا فورۋمىندا ايتقان قاعيدالى ۇستانىمىن قىزۋ قولدايدى.

3) ەلىمىزدىڭ بارلىق ساياسي كۇشتەرىن، ازاماتتارىن، بارشا وتانداستارىمىزدى ەڭ باستى قۇندىلىعىمىز - تاۋەلسىزدىگىمىزدى قاستەرلەپ، قۇرمەتتەۋگە، ودان ءارى نىعايتۋ جولىندا اتسالىسۋعا شاقىرامىز

«اق جول» پارتياسىنىڭ وك پرەزيدۋمى

0 پىكىر