جۇما, 29 ناۋرىز 2024
جاڭالىقتار 3927 0 پىكىر 2 مامىر, 2013 ساعات 08:11

ءمۇشايرا: استانا جۇلدىزدى جىرلاردىڭ الامان بايگەسىنە شاقىرادى!

استانا قالاسى اكىمدىگىنىڭ قولداۋىمەن ساكەن سەيفۋللين مۇراجايى جانە قازاقستان جازۋشىلار وداعىنىڭ استانا قالالىق فيليالى «استانانىڭ 15-جىلدىعى» مەرەكەسى قۇرمەتىنە «جارقىرا، جاينا، استانا!» اتتى اشىق ءمۇشايرا جاريالايدى.

«تاۋەلسىزدىك!»، «تاۋەلسىز قازاقستاننىڭ جاڭا استاناسى!» دەگەن قاسيەتتى ۇعىمداردىڭ قازاق توپىراعىنا وركەن جايعانىنا كوپ بولا قويعان جوق. ارىسى كەرەي مەن جانىبەكتەن تارتىپ، بەرىسى كەشەگى كەنەسارى حان زامانىنا، جەلتوقسان كوتەرىلىسىنە دەيىن وسىناۋ ۇلانعايىر دالامىزدىڭ بۇتىندىگى مەن حالقىمىزدىڭ ازاتتىعى جولىندا ەسىل ەرلەرىمىز ەتىكپەن قان كەشتى، تۇلپارلارىمىز اۋىزدىقپەن سۋ ءىشتى. قار جامىلىپ، مۇز توسەندى. «ەڭكۋ-ەڭكۋ جەر شالدى، ەگەۋلى نايزا قولعا الدى». اقىرى، ارمان اداستىرمادى، ءۇمىت اقتالدى. عاسىر توعىسىنا تاياپ، جاڭا مىڭجىلدىققا قاراي قادام باسقاندا، بابالار اماناتى ورىندالىپ، بوستاندىقتىڭ كوك بايراعى قازاق دالاسىندا قايتا جەلبىرەدى. ارقا توسىندە اسەم استانامىز كەرەگەسىن جايىپ، التىن شاڭىراعىن كوتەردى.

استانا قالاسى اكىمدىگىنىڭ قولداۋىمەن ساكەن سەيفۋللين مۇراجايى جانە قازاقستان جازۋشىلار وداعىنىڭ استانا قالالىق فيليالى «استانانىڭ 15-جىلدىعى» مەرەكەسى قۇرمەتىنە «جارقىرا، جاينا، استانا!» اتتى اشىق ءمۇشايرا جاريالايدى.

«تاۋەلسىزدىك!»، «تاۋەلسىز قازاقستاننىڭ جاڭا استاناسى!» دەگەن قاسيەتتى ۇعىمداردىڭ قازاق توپىراعىنا وركەن جايعانىنا كوپ بولا قويعان جوق. ارىسى كەرەي مەن جانىبەكتەن تارتىپ، بەرىسى كەشەگى كەنەسارى حان زامانىنا، جەلتوقسان كوتەرىلىسىنە دەيىن وسىناۋ ۇلانعايىر دالامىزدىڭ بۇتىندىگى مەن حالقىمىزدىڭ ازاتتىعى جولىندا ەسىل ەرلەرىمىز ەتىكپەن قان كەشتى، تۇلپارلارىمىز اۋىزدىقپەن سۋ ءىشتى. قار جامىلىپ، مۇز توسەندى. «ەڭكۋ-ەڭكۋ جەر شالدى، ەگەۋلى نايزا قولعا الدى». اقىرى، ارمان اداستىرمادى، ءۇمىت اقتالدى. عاسىر توعىسىنا تاياپ، جاڭا مىڭجىلدىققا قاراي قادام باسقاندا، بابالار اماناتى ورىندالىپ، بوستاندىقتىڭ كوك بايراعى قازاق دالاسىندا قايتا جەلبىرەدى. ارقا توسىندە اسەم استانامىز كەرەگەسىن جايىپ، التىن شاڭىراعىن كوتەردى.

بيىل ازات قازاق ەلىنىڭ ەلورداسى ارقا توسىنە كوشىرىلگەنىنە ون بەس جىل! «بولار ەلدىڭ بالاسى، ون بەسىندە باسپىن دەر...» دەمەكشى، استانامىز جاستىعىنا قاراماستان از عانا جىلدىڭ ىشىندە الەمدىك بەدەلگە يە بولدى. دۇنيە جۇزىنە ايگىلى جۇلدىزدى قالالاردىڭ قاتارىنا كىرىپ ۇلگەردى. الىس-جاقىن وركەنيەتتى ەلدەرمەن تەرەزە تەڭەستىردى.تۇركى الەمىنىڭ رۋحاني استاناسى مارتەبەسىن الدى. بەيبىتشىلىك پەن كەلىسىمنىڭ، دوستىق پەن باۋىرمالدىقتىڭ ۇيىتقىسىنا اينالدى. نامىس پەن ەرلىكتىڭ، ەڭبەك پەن جەڭىستىڭ ۇلگىسىن كورسەتتى. سونىڭ ايعاعى: ەقىۇ-ىن باسقاردى. سان الۋان ءدىن جەتەكشىلەرىنىڭ باسىن قوسىپ، قۇرىلتايىن وتكىزۋدى داستۇرگە اينالدىردى. «قىسقى ازيا» ويىندارىندا ەشكىمگە دەس بەرمەدى. لوندون تورىندە كوك تۋىمىز كوكتە سان مارتە جەلبىرەدى. الدىڭعى قاتارلى دامىعان ەلۋ ەلدىڭ قاتارىنا ەندىك. ءبارىن ايت تا، ءبىرىن ايت، استانا ەحرو-2017 كورمەسىن ءوز تورىندە وتكىزۋ مارتەبەسىن جەڭىپ الدى...

وسىنىڭ ءبارى قيىن دا كۇردەلى كەزەڭدە ەل تىزگىنىن ۇستاعان ۇلت كوشباسشىسى نۇرسۇلتان ءابىشۇلى نازارباەۆتىڭ سارابدال ساياساتىنىڭ، قاجىرلى قايراتىنىڭ ارقاسى.

مىنە، ەندى تاۋەلسىز قازاقستاننىڭ وسى جاڭا استاناسىن اسقاق شابىتپەن، ىستىق جۇرەكپەن جىرلايتىن، اق تۇيەنىڭ قارنى جارىلعان شۋاقتى كۇن، مەرەيلى ءسات تۋدى.

«قازاقستان - 2050» ستراتەگياسى جولعا قويىلىپ، تاۋەلسىز قازاقستان مەملەكەتى دامۋدىڭ جاڭا ءبىر كەزەڭىنە اياق باسقان تۇستاعى «استانانىڭ 15-جىلدىعىن» تويلاۋدىڭ ءمانى مەن ماڭىزى دا وزگەشە بولماق. سوندىقتان، ءمۇشايرا اقىنداردان كەيىنگى ۇرپاق ساناسىندا وشپەستەي ءىز قالدىراتىن، تاريح بەتىنە التىن ارىپپەن ايشىقتالىپ جازىلاتىن، ارقاۋى مىقتى، ايتارى مول جۇلدىزدى جىرلار كۇتەدى.

بايگەنى تاۋەلسىز قازاق ەلىنىڭ وتكەن كۇردەلى تاريحىن، بۇگىنگى ەرەن جەتىستىگىن، بولاشاق ۇلى ارمانىن ۇلتتىق رۋحپەن كومكەرە وتىرىپ، كوركەم تىلمەن كەستەلەي العان اقىندار يەلەنەدى.

 

باس جۇلدە - جەڭىل اۆتوكولىك

ءبىرىنشى ورىن - بىرەۋ

ەكىنشى ورىن - ەكەۋ

ءۇشىنشى ورىن -ۇشەۋ

ىنتالاندىرۋ سىيلىقتارى - بەسەۋ

مۇشايراعا ەش جەردە جارىق كورمەگەن ولەڭدەر، تولعاۋلار، پوەمالار قابىلدانادى.

قازىلار القاسىنىڭ شەشىمى قايتا قارالمايدى.

مۇشايراعا قاتىسۋشىلاردىڭ شىعارمالارى كومپيۋتەردە بەس دانا ەتىلىپ باسىلىپ، ەلەكتروندى نۇسقاسىمەن قوسا جىبەرۋلەرى شارت.

شىعارمالار ۇستىمىزدەگى جىلدىڭ 10-ماۋسىمىنا دەيىن قابىلدانادى.

جۇلدەگەرلەر سىيلىعى 2013 جىلدىڭ 1 شىلدەسى كۇنى كونگرەسس حولل سارايىندا سالتاناتتى تۇردە تاپسىرىلادى.

بايگە العان شىعارمالار «التىن تامىر» جۋرنالىندا جاريالانادى ءارى جەكە كىتاپ بولىپ باسىلادى.

 

ەسكەرتۋ: استاناعا كەلىپ-كەتۋ جول شىعىنى مەن جاتار ورىن ماسەلەسىن جەڭىمپازداردىڭ وزدەرى شەشەدى.

يندەكس: 010000

استانا قالاسى،

اۋەزوۆ كوشەسى، 20 «ا»

«ساكەن سەيفۋللين مۇراجايى» مكقك

ەلەكتروندى بايلانىس:

Seifullin_museum@mail.ru

بايلانىس تەلەفونى:

(8-7172) 32-84-67

(8-7172) 53-34-03

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3610