پارلامەنت ءماجىلىسىنىڭ دەپۋتاتى اتىراۋ وبلىسىندا ارباعا تاڭىلعان اناعا ءۇي سىيلادى. كولەمى 150 شارشى مەترلىك ءزاۋلىم ءۇيدىڭ ىشىنە جوندەۋ جۇمىستارىن جۇرگىزىپ، جاڭا جيھاز، تۇرمىستىق زاتتارمەن دە تولىقتىرعان، دەپ حابارلايدى Qazaq.today اقپاراتتىق پورتالى. 

سايلاۋالدى ۇگىت-ناسيحات كەزىندە مۇمكىندىگى شەكتەلۋى جاندار دا وڭىردەگى الەۋمەتتىك تۇرمىسى ناشار وتباسىلاردىڭ جاعدايىن كوتەرۋ، باسپانامەن قامتۋ تۋرالى ماسەلەنى شەشۋ جايىندا  ءادىل جۇبانوۆقا ءوتىنىش ايتقان. الايدا كۇردەلى پروبلەمانىڭ ۇكىمەتتىك دەڭگەيدە شەشىلۋىن كۇتپەي اق، دەپۋتات 1- توپتاعى مۇگەدەككە اتىراۋ قالاسىنىڭ ورتالىعىنان جەر ءۇي ساتىپ الىپ بەردى.

اتىراۋلىق ايگۇل قۋانىشقاليەۆانىڭ ارباعا تاڭىلعانىنا ون بەس جىلعا جۋىقتاعان. پاتەر كەزەگىن 2014 جىلدان بەرى كۇتسە دە، اكىمدىكتەن ءۇي الا الماعان. اقىرى امالى تاۋسىلعان تۇرعىن سايلاۋ كەزىندە ۇمىتكەرلەرگە جىلجىمايتىن كەزەكتىڭ ماسەلەسىن شەشۋ جايىندا ءوتىنىش ايتقان.

«1-توپتاعى مۇگەدەكپىن. جولداسىم عانا جۇمىس ىستەيدى. جولداسىما وسى ءادىل جۇبانوۆ باستاعان ۇمىتكەرلەرگە جاعدايىڭدى ايتىپ، سويلەسىپ كورسەڭشى دەگەم. ۇيالام دەپ بارمادى. اقىرى ءوزىم حابارلاستىم. ايىپ ەتپەڭىزدەر. ءوزىمىز ءۇي جالداپ تۇرامىز. قاراجات جەتپەيدى. بىزگە كومەك كەرەك. ۇيات تا بولسا، سىزدەرگە جاعدايىمىزدى ايتتىق. ونشاقتى جىلدان بەرى ءۇيدىڭ كەزەگىندە تۇرمىن. جىل سايىن وبلىس اكىمىنە بارام. «سىزگە كومەكتەسە المايمىز» دەپ الداپ-سۋلاپ شىعارىپ سالادى»، – دەدى 1-توپتاعى مۇگەدەك.

ايگۇل حانكەرەيقىزى وزدىگىنەن ءجۇرىپ-تۇرا المايدى. ەسكى ءۇيدىڭ ەكىنشى قاباتىن جالداپ تۇرعان. ۇلى مەن كەلىنى انالارىن باعىپ، جۇمىسقا دا شىعا الماعان. جەرلەستەرىنە بەرگەن ۋادەنى ورىنداۋ كەرەك دەپ شەشكەن دەپۋتات كەزەك كۇتۋدەن ابدەن شارشاعان اناعا قالانىڭ ورتاسىنان جەر ءۇي ساتىپ بەرىپ، تۇرمىسىن جەڭىلدەتپەك بولعان.

«150 شارشى مەترلىك ءۇي 2014 جىلى سالىنىپتى. 10 سوتىق جەرى بار، اۋلاسىندا ءومىر سۇرۋگە ىڭعايلى، بارلىعى قامتىلعان. ءۇيدى ىزدەپ تاپتىق. سايلاۋ ناۋقانى بولىپ جاتقاندا، وسى ادامنان حابارلاما كەلىپ ءتۇستى. ءۇيدىڭ كەزەگى بويىنشا وبلىستىڭ اكىمدىگىنە بارا-بارا ابدەن شارشاعان ەكەن. كەزەگى جىلجىماي قويعان. كۇيەۋى، ۇلى-قىزى، ءۇش نەمەرەسى، كەلىنىمەن «حرۋششەۆكا» اتالىپ كەتكەن ەسكى ءۇيدىڭ ەكىنشى قاباتىن جالداپ تۇرادى ەكەن. باراك ءۇيدىڭ ەكىنشى قاباتىنان ءتۇسىپ-شىعا المايدى. بارىپ، ءوز كوزىممەن كوردىم. جاعامدى ۇستادىم دەسەم دە بولادى. وزدىگىنەن سىرتقا دا شىعا المايدى. جولداسى جۇرگىزۋشى، تابىسى جەتپەيدى. ءبىر اي ىزدەپ، وسى ءۇيدى تاپتىق. تولىقتاي جوندەۋ جۇرگىزىپ، جاڭالادىق. حالىققا بەرگەن ۋادەمىزدى ۇمىتپاۋ عانا ەمەس، ونى ورىنداۋىمىز كەرەك. ەل بىزگە ءۇمىت ارتىپ وتىر»، – دەدى قر پارلامەنتى  ماجىلىسىنىڭ دەپۋتاتى ءادىل جۇبانوۆ.

دەپۋتات ءۇيدى مەديتسينالىق مەكەمەگە جاقىن جەردەن ساتىپ العان. اتىراۋدىڭ ورتالىعىندا ورنالاسقان ءۇي تولىقتاي قالانىڭ كوممۋنالدىق قىزمەت جۇيەسىنە  قوسىلعان.

«ەكى جاتىن بولمەسى، بالالار بولمەسى، اسحاناسى بار. سىرتتا جازدىق ءۇيى تاعى بار.  سۋى، گازى ورتالىقتاندىرىلعان. اۋلاسى اباتتاندىرىلعان. قالانىڭ قاق ورتاسىندا دەۋگە بولادى. قاسىندا كوپسالالى كلينيكا بار. بۇل كىسىلەر قاتتى قۋانىپ جاتىر. بۇل وتباسىنا جەر ءۇي ىڭعايلى بولىپ تۇر. پاندۋس جاساپ قويدىق. ەندى اناسىن قاراپ وتىرعان بالاسى دا  جۇمىسقا شىعا الادى. اكىمنىڭ قابىلداۋىنا ەكى رەت بارعان. «ءيا، ءيا» دەۋمەن شىعارىپ سالعان ەكەن. كەشە دەپۋتات ءۇيدىڭ كىلتىن تابىستادى»، – دەدى اتىراۋلىق جاڭاباي  ورىنباسارۇلى.

ءادىل جۇبانوۆ بۇعان دەيىندە اۋىلداعى ۇستازىنا باسپانا سىيلاعان. سونىمەن قاتار قاتار وقيعاسى كەزىندە بۇزاقىلار الماتىداعى جەدەل جاردەم كولىكتەرىن دە قيراتىپ تاستاعانى بەلگىلى. جاعدايدىڭ كۇردەلى ەكەنىن كورگەن ءادىل جۇبانوۆ الماتىداعى ورتالىق كلينيكالىق اۋرۋحاناعا جەدەل-جاردەم كولىگىن سىيعا تارتقان ەدى.

Abai.kz