اقش پرەزيدەنتى دجو بايدەن تاعى سايلاۋعا تۇسپەك. قازىر بايدەننىڭ كومەكشىلەرى اق ءۇيدىڭ باسشىسىنىڭ جەتىستىكتەرى تۋرالى بەينەروليك دايىنداپ، قىزۋ دايىندىققا كىرىسكەن.

اقش-تا پرەزيدەنت سايلاۋى 2024 جىلى وتەدى.

دەگەنمەن، بايدەننىڭ تاعىندا قالۋى ەكىتالاي. NBC News سوڭعى ساۋالناماسىنا سايكەس، امەريكالىقتاردىڭ تەك 26 پايىزى عانا بايدەن تاعى ءتورت جىل پرەزيدەنت بولىپ قالۋى كەرەك دەپ سانايدى. ال قالعان 70 پايىزى ونىڭ كانديداتۋراسىنا ءۇزىلدى-كەسىلدى قارسى. بايدەندى 2024 جىلدان كەيىن اق ۇيدەن قايتا كورگىسى كەلمەيتىندەردىڭ جارتىسىنا جۋىعى ونىڭ كارىلىگىن باستى سەبەپ دەپ كورسەتىپتى.

بايدەن وسى پرەزيدەنتتىك مەرزىمىنىڭ اياعىندا 86 جاسقا تولادى. بىراق بايدەن كۇندەلىكتى جۇمىسىندا ءالى دە بەلسەندى. جاپونيا مەن اۆسترالياداعى تاياۋدا بولاتىن سامميتتەرگە قاتىسپاق، شىلدەدە ليتۆادا وتەتىن ناتو سامميتىنە قاتىسۋدى جوسپارلار وتىر. وتكەن سەنبىدە سۋدانعا 100 ارنايى جاساق جىبەرۋگە بۇيرىق بەردى، ولار اقش ەلشىلىگىنىڭ قىزمەتكەرلەرىن ەۆاكۋاتسيالادى.

«بايدەن امەريكانى ترامپتان قۇتقارعان پرەزيدەنت»، - دەيدى دەموكرات سەناتور ەمي كلوبۋشار. ونىڭ ايتۋىنشا، قازىرگى پرەزيدەنت دونالد ترامپقا قاراما-قايشى تۇلعا. ادامدار ەندى ترامپتىڭ حاوسىن قالامايدى.

ءبىر قىزىعى، امەريكادا پرەزيدەنت سايلاۋىنا بايلانىستى شۋ وسى ەكى ادامنىڭ اينالاسىندا بولىپ جاتىر. ال سايلاۋشىلاردىڭ كوپشىلىگى ەكەۋىنىڭ دە امەريكانى باسقارعانىن قالامايدى.

Yahoo News/YouGov ساۋالناماسىنا سايكەس، رەسپوندەنتتەردىڭ 38 پايىزى بايدەن مەن ترامپ اراسىنداعى رەۆانش يدەياسى «تەرەڭ دەپرەسسياعا تۇسىرەتىنىن» ايتقان. 29 پايىزى «قورقىنىش تۋدىرادى» دەسە، 23 پايىزى «قايعىعا سالادى ءارى قورقىتادى» دەپ جاۋاپ بەرگەن.

The Hill باسىلىمىنىڭ پىكىرىنشە، بۇل بايدەن مەن ترامپ اراسىنداعى جەكپە-جەكتىڭ قايتالانۋى 2024 جىلدىڭ كۇزىندەگى «بولۋى مۇمكىن ستسەناريلەردىڭ ىشىندەگى ەڭ شىنايىسى». ترامپ رەسپۋبليكاشىلدار اراسىندا ايقىن فاۆوريت بولىپ تابىلادى. ول وسى سايلاۋدا قارسىلاس بولۋى مۇمكىن فلوريدا شتاتىنىڭ گۋبەرناتورى رون دە سانتيستەن 14 پايىزعا وزىپ كەتتى.

بىراق بايدەن مەن گارۆارد پەن يەل ۋنيۆەرسيتەتىنىڭ تۇلەگى، كونگرەسس وكىلدەر پالاتاسىنىڭ مۇشەسى، ارنايى كەڭەسكە جىبەرىلگەن جاۋىنگەرلىك وفيتسەر 45 جاستاعى دەسانتيس اراسىنداعى جەكپە-جەكتى ەلەستەتىپ كورىڭىزشى. دە سانتيس 2007 جىلى كاليفورنياداعى وپەراتسيالىق كوماندالىق توپتا بولعان، سودان كەيىن اقش-تىڭ SEAL ارنايى كۇشتەرىنىڭ تاڭداۋلى توبىنا كەڭەسشى رەتىندە يراكقا بارىپ كەلگەن.

كەيىن ول بىرنەشە جىل بويىنا فلوريدانىڭ ەڭ تابىستى گۋبەرناتورى بولدى، شتات مەرىن سايلاۋ كەزىندە قارسىلاسىنان 19 پايىزعا كوپ داۋىس جينادى.

ال ەندى پرەزيدەنت سايلاۋىندا ادامداردىڭ باسىم بولىگى كىمگە كوبىرەك داۋىس بەرەدى دەپ ويلايسىز؟

كەرىمسال جۇباتقانوۆ

Abai.kz