سۋرەتتە: جۋرناليست، قالامگەر كەمەل قۇسايىنوۆ

الماتى وبلىسىنىڭ تالدىقورعان وڭىرىندە قازاقتىڭ عانا ەمەس، ءبىر كەزدەگى وداق جۋرناليستيكاسىندا ەسىمدەرى ەلگە بەلگىلى بولعان قابىرعالى ءارى قارىمدى قالامگەرلەر بارشىلىق. وكىنىشكە قاراي، ولاردىڭ ءبىرازى ەلدىڭ ەرتەڭى، جەردىڭ بولاشاعى دەپ ءجۇرىپ، جۇرەكتەرىنە تۇسكەن سالماقتى كوتەرە الماي  ومىردەن ءوتىپ كەتتى. قانات اسقار، كەمەل قۇسايىنوۆ، ايتان ءنۇسىپحان سىندى اردا ازاماتتاردى ەش ويلانباستان سونداي ۇلتى ءۇشىن وتقا تۇسكەن وعلاندار دەسەك قاتەلەسپەيمىز. دەگەنمەن، وسى ازاماتتار ومىردەن وتكەندە قالا، وبلىس باسشىلارى سەلت ەتە قويعان جوق. اعايىن-تۋىستارى مەن دوس-جاراندارى جينالىپ، ارۋلاپ جەر قوينىنا بەرگەن بولاتىن. كوپشىلىك قاۋىم ءتىپتى اردا ازاماتتارىنىڭ قايتىس بولعانى جايلى بىلمەي دە قالدى دەسەك ارتىق بولا قويماس.

ەندى، مىنە، قازاق جۇرتىنىڭ، ونىڭ ىشىندە جەتىسۋلىق جاعىمپازداردىڭ  ورىس ۇلتىنا دەگەن «سۇيىسپەنشىلىگى» مەن وزدەرىنە كەلگەندە سورلى بولىپ قالاتىندىعىنىڭ كورىنىسىنە كۋا بولاتىن وقيعانى كورگەندە قايران اعالاردىڭ ارۋاقتارىنان ۇيات بولدى-اۋ دەپ جەرگە قارادىق.

سۋرەتتە: جۋرناليست، قالامگەر كەمەل قۇسايىنوۆ

الماتى وبلىسىنىڭ تالدىقورعان وڭىرىندە قازاقتىڭ عانا ەمەس، ءبىر كەزدەگى وداق جۋرناليستيكاسىندا ەسىمدەرى ەلگە بەلگىلى بولعان قابىرعالى ءارى قارىمدى قالامگەرلەر بارشىلىق. وكىنىشكە قاراي، ولاردىڭ ءبىرازى ەلدىڭ ەرتەڭى، جەردىڭ بولاشاعى دەپ ءجۇرىپ، جۇرەكتەرىنە تۇسكەن سالماقتى كوتەرە الماي  ومىردەن ءوتىپ كەتتى. قانات اسقار، كەمەل قۇسايىنوۆ، ايتان ءنۇسىپحان سىندى اردا ازاماتتاردى ەش ويلانباستان سونداي ۇلتى ءۇشىن وتقا تۇسكەن وعلاندار دەسەك قاتەلەسپەيمىز. دەگەنمەن، وسى ازاماتتار ومىردەن وتكەندە قالا، وبلىس باسشىلارى سەلت ەتە قويعان جوق. اعايىن-تۋىستارى مەن دوس-جاراندارى جينالىپ، ارۋلاپ جەر قوينىنا بەرگەن بولاتىن. كوپشىلىك قاۋىم ءتىپتى اردا ازاماتتارىنىڭ قايتىس بولعانى جايلى بىلمەي دە قالدى دەسەك ارتىق بولا قويماس.

ەندى، مىنە، قازاق جۇرتىنىڭ، ونىڭ ىشىندە جەتىسۋلىق جاعىمپازداردىڭ  ورىس ۇلتىنا دەگەن «سۇيىسپەنشىلىگى» مەن وزدەرىنە كەلگەندە سورلى بولىپ قالاتىندىعىنىڭ كورىنىسىنە كۋا بولاتىن وقيعانى كورگەندە قايران اعالاردىڭ ارۋاقتارىنان ۇيات بولدى-اۋ دەپ جەرگە قارادىق.

«ولگەن ادام تۋرالى جامان ايتۋعا بولمايدى» دەيدى. دەسەك تە، كوڭىلىمىزگە سىيماعاندى جەتكىزە كەتكەندى ءجون كوردىك. الماتى وبلىسى مەن تالدىقورعان قالاسىنىڭ باسشىلارى  بىرنەشە كۇن بويى قايعىرىپ، تەلەديدارداعى حاباردى توقتاتىپ قويىپ، قارا جامىلعان جانە وبلىستىق تەلەارنا الدىندا تابىتىن قويىپ، قارالى ميتينگ ۇيىمداستىرعان  ناتاليا بورسەنكو  شىنىندا تالانتتى جۋرناليست. بىراق، تىرلىگىندە ونىڭ قازاققا جاساعان جاقسىلىعى تۋرالى ەستىمەپپىز دە، كورمەپپىز دە. قايتا ءوز ۇلتىنىڭ قامىن ءاردايىم ءبىرىنشى ورىنعا شىعارىپ، قازاقتاردى ەكىنشى سۇرىپتاعىلار قاتارىنان قويۋعا قۇلشىناتىنىن ءجيى بايقايتىنبىز جانە سونىسى ءۇشىن كەيدە كەلىسپەي قالاتىنبىز. قارالى جيىنعا كەلگەندەردىڭ  كوبى وبلىس باسشىلىعىنىڭ نۇسقاۋىمەن جينالعاندارىن ايتىپ جاتتى. ويتكەنى، وبلىس اكىمىنىڭ ءبىرىنشى ورىنباسارى اماندىق باتالوۆ باستاپ، ورىنباسارلارى سەرىك مۇقانوۆ پەن سەرىكجان بەسكەمپىروۆ قوستاپ، وبلىس جانە قالا باسشىلىعى تايلى-تۇياعىنا دەيىن قولپاشتاپ، وسى جەرگە تاڭ اتا سالىسىمەن جينالدى. بارلىعى جۇرەكتەرىنىڭ قايىسقاندىقتارىن ءبىلدىرىپ، جارتى ساعاتتاپ ءسوز سويلەدى. باتالوۆ ءتىپتى جىلاپ جىبەرە جازدادى. استانادان ارنايى كوڭىل ايتۋ جولداعان ۇمبەتوۆتىڭ اماناتىن ورىندادى. ولاردان وبلىستىق گازەت پەن تەلەارنا باسشىلارى دا قالىسپادى. اقىرى ەكى ساعاتقا سوزىلعان قارالى جيىننان سوڭ مارقۇمدى جول پوليتسياسىنىڭ باستاۋىمەن سارقانعا الىپ كەتتى.

ءبىز مۇندا بىرەۋگە جاسالعان قۇرمەتتى قىزعانىپ وتىرعانىمىز جوق. مارقۇم باسقا، باسقا باسشىلارعا جاققان شىعار. تەك وزىمىزگە كەلگەندە كەجەگەمىز كەرى تارتىپ، باسقاعا كەلگەندە جايىلىپ جاستىق، ءيىلىپ توسەك بولاتىندىعىمىزعا قارنىمىزدىڭ اشقاندىعىن ايتپاقپىز. ماسەلەن، جوعارىدا ايتىلعان قوس ازامات: تالدىقورعان وبلىستىق گازەتىندە، وبلىستىق تەلەارنادا، الەۋمەتتىك قورعاۋ باسقارماسىندا باسشى، قر پارلامەنتىندە دەپۋتات بولعان قانات اسقار مەن قىسقا عانا عۇىمىرىندا تۋعان جەرىنىڭ جوعىن تۇگەندەپ، بارىن ماقتان ەتىپ وتكەن كەمەل قۇسايىنوۆتار قايتىس بولعاندا  قالالىق، وبلىستىق دەڭگەيدە ەشقانداي قارالى ميتينگ ۇيىمداستىرىلماعانى، وبلىس، قالا باسشىلارى توبە كورسەتپەگەنى ەسىمىزدە. اقىندىعىمەن الاشتى مويىنداتقان ابەن اعامىزدىڭ - ابەن داۋرەنبەكوۆتىڭ دە ەلەۋسىز قالعانىنا، باسىنىڭ  الى قارايماعانىنا جۇرەگىڭ اۋىرادى. وسىنداي ارىستاردىڭ ارۋاعىن اتتاپ وتكەندەر بورسەنكو  ءولدى دەپ قارا جامىلعانىنا   قاراپ، قايران قالادى ەكەنسىڭ.

Abai.kz