2023 جىلدىڭ 29 ءساۋىرى مەن 2 مامىر كۇندەرىنىڭ ارالىعىندا ەلوردامىز استانا قالاسىندا XVI-حالىقارالىق «اق كوگەرشىن» بالالار شىعارماشىلىعى فەستيۆال-بايقاۋى ءوتتى، دەپ حابارلايدى Abai.kz.

«اق كوگەرشىن» بالالار قورىنىڭ» ۇيىمداستىرۋىمەن وتكەن شاراعا استانا قالاسىنىڭ اكىمدىگى مەن «جاستار» سارايى دەمەۋشىلىك ەتتى. ۇيىمداستىرۋشىلاردىڭ ايتۋىنشا، فەستيۆال مەكتەپتەن تىس ۇيىمداردىڭ بالانىڭ جەكە تۇلعا رەتىندە دامۋىنداعى الاتىن ءرولىن ارتتىرۋ، وسكەلەڭ ۇرپاقتى كوركەمدىك جانە ەستەتيكالىق تالعامعا ساي تاربيەلەۋ، پەداگوگتاردىڭ كاسىبي شەبەرلىگىن جەتىلدىرۋ جانە ولاردىڭ شىعارماشىلىق قىزمەتىن جانداندىرۋ ماقساتىندا وتكەن.

بايقاۋعا قاتىسۋشىلار ۆوكال، حالىقتىق ورىنداۋ، اسپاپتا ورىنداۋ، بي ونەرى، بالالار ءسانى، ءسان تەاترى، وزىندىك جانر، كوركەم ءسوز، بەينەلەۋ ونەرى سەكىلدى نوميتسيالارعا قاتىسىپ، باق سىنادى.

اتالعان بايقاۋعا الماتى وبلىسىنان الماتى وبلىستىق حالىق شىعارماشىلىعى ورتالىعى قولداۋ ءبىلدىرىپ، بايگەگە قوسقان ءۇش ونەرپازى دا ادىلقازى القاسىنىڭ جوعارى باعاسىنا يە بولىپ، جۇلدەلى ورىنداردى قانجىعاسىنا بايلاپ قايتتى.

ماسەلەن، «كوركەم ءسوز» نوميناتسياسى بويىنشا باس جۇلدە تالعار اۋدانى، نۇرا اۋىلىنىڭ تۋماسى ايانقىزى اياجاننىڭ ەنشىسىنە بۇيىردى. «ۆوكال» نوميناتسياسى بويىنشا (كىشى توپ) جامبىل اۋدانى، اقسەڭگىر اۋىلىنىڭ تۇرعىنى نۇربولاتۇلى ەرەڭباق ءبىرىنشى ورىن الدى. ال، ورتا توپتان «ۆوكال» نوميناتسياسى بويىنشا كەگەن اۋدانىنىڭ كەگەن اۋىلىنان كەلگەن باراتبەك ابىلاي ەكىنشى ورىندى يەلەندى.

الماتى وبلىستىق حالىق شىعارماشىلىعى ورتالىعى جۇلدەگەرلەردى جەڭىستەرىمەن شىن جۇرەكتەن قۇتتىقتايدى!

Abai.kz