بەس جىل ىشىندە قازاقستاندىقتاردىڭ جالاقىسى 90% - عا ءوستى. بۇل تۋرالى LS جازادى.

ۇلتتىق ستاتيستيكا بيۋروسىنىڭ دەرەگى بويىنشا، 2018 جىلى ورتاشا ايلىق جالاقى  162 267 تەڭگە، 2019 جىلى 185 487 تەڭگە، 2020 جىلى 212 634 تەڭگە، 2021 جىلى 248 791 تەڭگەگە جەتتى. ال 2022 جىلى 308 033 تەڭگەگە ءبىر-اق كوتەرىلگەن.

وسىلايشا، حالىقتىڭ تابىسى بەس جىل ىشىندە 89,8% - عا ارتقان.

ەڭ جوعارى ورتاشا جالاقى قارجىلىق جانە ساقتاندىرۋ قىزمەتىنىڭ جۇمىسشىلارىنا بەرىلەدى. ماسەلەن، ولار 2018 جىلى 333,6 مىڭ تەڭگە، 2019 جىلى 367,9 مىڭ تەڭگە، 2020 جىلى 387,3 مىڭ تەڭگە، 2021 جىلى  461,6 مىڭ تەڭگە، 2022 جىلى 551,7 مىڭ تەڭگە جالاقى العان.

كاسىبي عىلىمي جانە تەحنيكالىق قىزمەت سالاسىندا ەڭبەك ەتەتىندەر 2018 جىلى ورتا ەسەپپەن 284,5 مىڭ تەڭگە السا، 2022 جىلى  449,8 مىڭ تەڭگە العان.

اقپارات جانە بايلانىس قىزمەتكەرلەرى بەس جىل بۇرىن 235,1 مىڭ تەڭگە، ال وتكەن جىلى ايىنا 433,6 مىڭ تەڭگە تابىس تاپقان.

ونەر، ويىن-ساۋىق جانە دەمالىس سالاسىندا جۇمىس ىستەيتىندەردىڭ ايلىق تاباسى تومەن. 2018 جىلى ولاردىڭ ورتاشا ايلىق جالاقىسى 127,4 مىڭ تەڭگەنى قۇرادى. 2019 جىلى 148,6 مىڭ تەڭگە، 2020 جىلى 162,4 مىڭ تەڭگە، 2021 جىلى 155,4 مىڭ تەڭگە، ال وتكەن جىلى 186,5 مىڭ تەڭگە تابىس تاپتى.

Abai.kz