جاڭاوزەندە «قازمۇنايگاز» ۇك اق باسقارما توراعاسىنىڭ ورىنباسارى د.حاسانوۆ باستاعان ارنايى جۇمىس توبىنىڭ وكىلدەرى قالانىڭ 30-عا جۋىق كاسىپورنىنىڭ باسشىلارىمەن كەزدەسۋ وتكىزدى.

ءىس-شاراعا «وزەنمۇنايگاز» اق باس ديرەكتورى ن.قيلىباي، جاڭاوزەن قالاسىنىڭ «اتامەكەن» كاسىپكەرلەر پالاتاسىنىڭ ديرەكتورى ا.شاراپاتدينوۆ، جەرگىلىكتى اتقارۋشى ورگان وكىلدەرى، سونداي-اق ءماسليحات دەپۋتاتتارى قاتىستى.

تالقىلاۋعا جاڭاوزەن اۋماعىندا بىرقاتار تاۋار ءوندىرىسى مەن قىزمەت تۇرلەرىن دامىتۋ ماسەلەسى ارقاۋ بولدى.

د.حاسانوۆ اتاپ وتكەندەي، تالداۋ بارىسىندا «وزەنمۇنايگاز» كومپانياسىنىڭ ساتىپ الۋ قىزمەتىندە بولاشاقتا وتاندىق وندىرۋشىلەر جەتكىزۋىنە بولاتىن تاۋار مەن قىزمەت تۇرلەرىنىڭ بار ەكەنى انىقتالدى. «بۇل شارا وڭىردەگى جۇمىسسىزدىق ماسەلەسىن شەشۋگە جانە جەرگىلىكتى تاۋارلار مەن قىزمەتتەردى دامىتۋعا ىقپال ەتەدى»، - دەپ اتاپ ءوتتى جۇمىس توبىنىڭ جەتەكشىسى.

جيىنعا قاتىسۋشىلار وڭىردەگى قاجەتتىلىكتەردى انىقتاپ، ءتيىستى ۇسىنىستاردى قارايتىن ارنايى شاعىن توپ قۇرۋ تۋرالى شەشىم قابىلدادى.

بۇگىندە قالا كاسىپكەرلەرى ىسىرمالاردى جوندەۋ، شىنىپلاستيكالىق قۇبىرلاردى جوندەۋ، گيدراۆليكالىق كىلتتى جالعا الۋ جانە مەتالل سىنىقتارىن رادياتسيادان تازارتۋ سياقتى قىزمەتتەردى دامىتۋ بويىنشا جوبالاردى قولعا العانىن ايتا كەتۋ كەرەك.

ارنايى جۇمىس توبى جەرگىلىكتى تاۋار مەن قىزمەت تۇرلەرى بويىنشا  پەرسپەكتيۆالى باعىتتاردى انىقتاۋ ءۇشىن «وزەنمۇنايگاز» اق ساتىپ الۋ قىزمەتىن تولىق تالداۋ جۇمىسىن جالعاستىرادى.

Abai.kz