بۇل تۋرالى پرەمەر-ءمينيستردىڭ رەسمي سايتى جازدى، دەپ حابارلايدى BAQ.KZ.

قر پرەمەر-ءمينيسترى ءاليحان سمايىلوۆ كەڭەس وداعىنىڭ باتىرى مانشۇك مامەتوۆانىڭ ەسكەرتكىشىنە گۇل شوقتارىن قويىپ، ۇلى وتان سوعىسى كەزىندە قازا تاپقان قازاقستاندىق جاۋىنگەرلەردى ءبىر مينۋت ۇنسىزدىكپەن ەسكە الدى.

جەڭىس كۇنىنە ورايلاستىرىلعان شارا ەلوردالىق «اقجايىق» ساياباعىندا ءوتتى.

اتى اڭىزعا اينالعان پۋلەمەتشى مانشۇك مامەتوۆا ستۋدەنتتىك جىلدارى مەديتسينالىق ينستيتۋتتا وقي ءجۇرىپ، قازاق كسر حالىق كوميسسارلارى كەڭەسىنىڭ حاتشىلىعىندا جۇمىس ىستەدى. 1942 جىلعى تامىزدا ول ءوز ەركىمەن مايدانعا اتتاندى. 21-ءشى اتقىشتار ديۆيزياسى مەن 100-ءشى اتقىشتار بريگاداسىنىڭ قۇرامىندا ۇرىسقا قاتىستى.

اعا سەرجانت اتاعىن الدى، پۋلەمەتشىلەر توبىنىڭ كومانديرى بولدى. مانشۇك مامەتوۆا 1943 جىلعى قازان ايىندا (قايتىس بولعاننان كەيىن) نەۆەل ماڭىنداعى شايقاسقا قاتىسقانى ءۇشىن كەڭەس وداعىنىڭ باتىرى اتاعىن الدى.

Abai.kz