قازىرگى ۋاقىتتا قازاقستان رەسپۋبليكاسىنىڭ قولدانىستاعى زاڭناماسىنا سايكەس جەكە پايدالانۋعا ارنالعان تاۋاردى كەدەندىك شەكارا ارقىلى اكەلۋ كەزىندە جەكە تۇلعالار جولاۋشىلار كەدەندىك دەكلاراتسياسىن جەكە پايدالانۋعا ارنالعان تاۋاردىڭ شەكارادان ءوتۋ ورنى بويىنشا مەملەكەتتىك كىرىستەر ورگاندارىنا كەلۋ تارتىبىمەن ەكى ءتاسىلدىڭ بىرىمەن:

- دەكلارانتتىڭ ءوزى;

- كەدەن وكىلى (ەگەر جەكە تۇلعانىڭ مۇمكىندىگى بولماسا) ۇسىنادى.

بۇل جاعدايدا كەدەن وكىلىنىڭ قىزمەتى اقىلى بولىپ تابىلادى (دەكلاراتسيالاۋدىڭ كۇردەلىلىگىنە بايلانىستى 3,5 مىڭ تەڭگەدەن 20 مىڭ تەڭگەگە دەيىن).

جولاۋشىلار كەدەندىك دەكلاراتسياسىن بەرۋ پروتسەسىن جەڭىلدەتۋ ماقساتىندا قازىرگى ۋاقىتتا مەملەكەتتىك كىرىستەر كوميتەتى "E-salyq Azamat" ءموبيلدى قوسىمشاسىندا مودۋل ازىرلەدى، ول ارقىلى جەكە تۇلعالار ورنالاسقان جەرىنە قاراماستان، ۇيدەن شىقپاي-اق جولاۋشىلار كەدەندىك دەكلاراتسياسىن سمارتفون ارقىلى بەرە الادى.

ءموبيلدى قوسىمشادا ازىرلەنگەن مودۋل حالىقارالىق پوشتا جونەلتىلىمدەرىندە تاسىمالداناتىن جانە ەكسپرەسس-تاسىمالداۋشىلار جەتكىزەتىن جەكە پايدالانۋعا ارنالعان تاۋارلاردى دەكلاراتسيالاۋعا، سونداي-اق جەكە پايدالانۋعا ارنالعان كولىك قۇرالدارىن قوسپاعاندا، قولما-قول اقشا قاراجاتتارى مەن اقشا قۇرالدارىن دەكلاراتسيالاۋعا ارنالعان.

جولاۋشىلار كەدەندىك دەكلاراتسياسىن بەرۋ ءۇشىن سىزگە "E-salyq Azamat" ءموبيلدى قوسىمشاسىن جۇكتەپ الىپ، ءموبيلدى قۇرىلعىڭىزدا بۇلتتى ەتسق بولۋى قاجەت. نەگىزگى مازىردەن "دەكلاراتسيانى تاپسىرۋ" تارماعىن تاڭداپ، "دەكلاراتسيانى تاپسىرۋ" باتىرماسىن باسۋ ارقىلى "جولاۋشىلار كەدەندىك دەكلاراتسياسى" دەكلاراتسياسىنىڭ ءتۇرىن تاڭداۋ قاجەت.

بۇل سەرۆيس جەكە پايدالانۋعا ارنالعان تاۋارلاردى كەدەندىك دەكلاراتسيالاۋ ءراسىمىن جەدەلدەتۋ جانە وڭايلاتۋ ەسەبىنەن جەكە تۇلعالاردىڭ ۋاقىتشا جانە اقشالاي شىعىستارىن قىسقارتادى.

بولاشاقتا كەز كەلگەن تاسىلمەن، ونىڭ ىشىندە تاۋارلارعا ارنالعان دەكلاراتسيانى قولدانا وتىرىپ، جەتكىزىلەتىن تاۋارلاردىڭ بارلىق تۇرلەرىن دەكلاراتسيالاۋدى پىسىقتاۋ جوسپارلانۋدا.

الداعى ۋاقىتتا بۇل سەرۆيستى ەكىنشى دەڭگەيلى بانكتەر (حالىق بانكى اق، Kaspi Bank اق) ءموبيلدى قوسىمشالارىندا ەنگىزۋ جوسپارلانۋدا.

الماتى قالاسى المالى اۋدانى بويىنشا مەملەكەتتىك كىرىستەر باسقارماسىنىڭ باس مامانى

بەلگوجاەۆ بەريك

Abai.kz