ءماجىلىس توراعاسى ەرلان قوشانوۆ ۇلدارى ءىستى بولعان دەپاتات ج. دايراباەۆقا قاتىستى پىكىر ءبىلدىردى.

بۇگىن ءماجىلىستىڭ جالپى وتىرىسىنان كەيىن تىلشىلەر پالاتا توراعاسىنان دەپۋتات ج. دايراباەۆتىڭ مانداتىن تاپسىرۋدى تالاپ ەتكەن پەتيتسيا جونىندە سۇرادى.

«دايراباەۆقا كەلەر بولساق، تىكەلەي وزىنە قاتىستى زاڭدى ماسەلە تۋىنداپ تۇرعان جوق قوي؟! ونىڭ بالالارىنا قاتىستى ماسەلە بار. سوندىقتان، ەل اۋزىندا جۇرگەن دەپۋتاتتاردىڭ بالالارى، تۋىستارى اشىق كەڭىستىكتە تۇر. ولاردىڭ ارەكەتىن «ميكروسكوپپەن» قاراپ وتىرادى. ءاربىر شالت باسقان قادام جاريالانادى. ەگەر زاڭ بۇزۋ دەپۋتات دايراباەۆ تاراپىنان بولسا، ارينە، ءبىرىنشى كەزەكتە «اۋىل» پارتياسى ءوز شەشىمىن قابىلداۋى كەرەك دەپ ەسەپتەيمىن»، - دەيدى ە. قوشانوۆ.

بۇل تۇرعىدا ءماجىلىس تورعاسى زاڭدى تۇرعىدا دايراباەۆقا ەشقانداي سۇراق جوق ەكەنىن، وسى ماسەلە بويىنشا ءماجىلىستىڭ رەپۋتاتسياسىنا زيان كەلمەيتىنىن ايتتى.

بۇدان بۇرىن حابارلانعانداي، جاقىندا ءماجىلىس دەپۋتاتى جيگۋلي دايراباەۆ ءىستى بولعان بالالارى ءۇشىن كەشىرىم سۇراۋ جونىندە سۇراقتارعا  جاۋاپ بەرگەن بولاتىن.

«ماعان قوياتىن كىناڭىز بولسا، سونى ايتىڭىز، سول ءۇشىن كەشىرىم سۇرايمىن. بالالار ءوز تىرلىگىنە وزدەرى جاۋاپ بەرەدى. ايىپ ەتپەڭىزدەر»، - دەدى ج. دايراباەۆ.

ەسكە سالساق، بيىل تاراز قالاسىنىڭ سوتى الاياقتىق جاسادى جانە ءىرى مولشەردە اقشا جىمقىردى دەپ ايىپتاپ، ۇكىم شىعارعان ەكى كۇدىكتىنىڭ ءماجىلىس دەپۋتاتى جيگۋلي دايراباەۆتىڭ ۇلدارى ەكەنى بەلگىلى بولدى.

Abai.kz