بۇل تۇركى الەمى ءۇشىن ورتاق تراگەديا. جارىلىستان قازا بولعانداردىڭ، جاپا شەككەندەردىڭ تۋعان-تۋىستارىنا كوڭىل ايتامىن. سولشىل سودىرلاردىڭ وسىنداي جىمىسقى، قاتىگەز ارەكەتى قازاق ەلىنىڭ دە قابىرعاسىن قايىستىرىپ وتىر.

ەكىنشىدەن، بارشامىزعا نازار اۋدارار جايت بار. جارىلىستاردى جاساعاندار اسىرە دىنشىلدەر نەمەسە شەتەلدىك جانسىزدار ەمەس، تۇركيانىڭ سولشىل، ماركستىك-انارحيستىك راديكال توپتارىنىڭ وكىلدەرى. وكىنىشكە وراي، وسىنداي سۇمەلەكتەر ءبىزدىڭ ەلدە دە باس كوتەرىپ كەلەدى. كەشەگى ەلدەن قاشقان قۇرمانوۆتار، مينيسترگە جۇمىرتقا لاقتىرعان تسۋكانوۆتار وسىلاردىڭ يدەيالاس سەرىكتەرى.
جالعان سولشىل، سولاقاي يدەيالارعا ماس بولىپ، سوتسيال-ۋتوپيستىك، انارحيستىك لوزۋنگتارعا ءدىني تۇرعىدان سەنىپ العان يتتەر بۇگىن جۇمىرتقا، ەرتەڭ - تاس، ارعىكۇنى - بومبا لاقتىرۋى دا عاجاپ ەمەس. الەمنىڭ كوپتەگەن ەلدەرى وسىندايدى باسىنان وتكىزگەن. ولاردى اۋىزدىقتاۋ ءۇشىن كەرەمەت كۇش سالعان. تالاي ادام مەرت بولدى.

بۇل تۇركى الەمى ءۇشىن ورتاق تراگەديا. جارىلىستان قازا بولعانداردىڭ، جاپا شەككەندەردىڭ تۋعان-تۋىستارىنا كوڭىل ايتامىن. سولشىل سودىرلاردىڭ وسىنداي جىمىسقى، قاتىگەز ارەكەتى قازاق ەلىنىڭ دە قابىرعاسىن قايىستىرىپ وتىر.

ەكىنشىدەن، بارشامىزعا نازار اۋدارار جايت بار. جارىلىستاردى جاساعاندار اسىرە دىنشىلدەر نەمەسە شەتەلدىك جانسىزدار ەمەس، تۇركيانىڭ سولشىل، ماركستىك-انارحيستىك راديكال توپتارىنىڭ وكىلدەرى. وكىنىشكە وراي، وسىنداي سۇمەلەكتەر ءبىزدىڭ ەلدە دە باس كوتەرىپ كەلەدى. كەشەگى ەلدەن قاشقان قۇرمانوۆتار، مينيسترگە جۇمىرتقا لاقتىرعان تسۋكانوۆتار وسىلاردىڭ يدەيالاس سەرىكتەرى.
جالعان سولشىل، سولاقاي يدەيالارعا ماس بولىپ، سوتسيال-ۋتوپيستىك، انارحيستىك لوزۋنگتارعا ءدىني تۇرعىدان سەنىپ العان يتتەر بۇگىن جۇمىرتقا، ەرتەڭ - تاس، ارعىكۇنى - بومبا لاقتىرۋى دا عاجاپ ەمەس. الەمنىڭ كوپتەگەن ەلدەرى وسىندايدى باسىنان وتكىزگەن. ولاردى اۋىزدىقتاۋ ءۇشىن كەرەمەت كۇش سالعان. تالاي ادام مەرت بولدى.

تاعى ءبىر وكىنىش، بيلىكتىڭ ءوزى دە وسىندايلاردىڭ پايدا بولۋىنا جاعداي جاساپ جاتىر. كەيبىرەۋلەرى تىكەلەي ارانداتۋشىلار مەن جانسىزدار. بىراق، ەسكى قاعيداعا سۇيەنسەك، ءاربىر قوعام ءوز راديكالدارى مەن تەررورشىلارىن ءوزى ماپەلەپ وسىرەدى. ءبىزدىڭ بيلىكتىڭ كوسەمشىلدىگى، مەسسياندىق داناگويلىگى، وزىنەن باسقا بىرەۋ بار ەكەن-اۋ، جۇرتتىڭ پىكىرىن تىڭداۋ كەرەك ەكەن-اۋ دەگەندى ويلامايتىنى بۇگىن ءدىني تەررورشىلارعا جول اشسا، ەرتەڭ سولشىل تەررورشىلارعا جول اشىپ بەرۋى ىقتيمال. ءتىپتى العاشقى رەت جۇمىرتقا لاقتىرۋدى باستاعان دا بيلىكتىڭ ءوزى. العاشقى رەت وپپوزيتسيا جەتەكشىلەرىنە تاس اتا باستاعان دا بيلىك. وقتى دا بيلىك ءبىرىنشى اتتى. بۇل وتە قاۋىپتى ءۇردىس.
مەنىڭ ءسوزىم ەشكىمگە وتپەيدى، مەنى ەشكىم قاجەت ەتپەيدى، مەنى ەشكىم تىڭدامايدى دەگەن قوعامدا نەشەتۇرلى سودىرلىققا جول اشىلادى جالپى. ءبىزدىڭ قوعام وسىنداي قوعامعا اينالىپ ءبىتتى. ەگەر بيلىك جۋىر ارادا ساياسي ۇردىستەردى، سان-الۋان كوزقاراستاردى قايتادان زاڭدى ساياسي الاڭعا، ياعني پارلامەنت پەن باسپاسوزگە قايتارماسا، بۇنىڭ ارتى تۇڭعيىققا اپارادى.
ويلانايىق!
اباي بولايىق!

Abai.kz