قاڭتار وقيعاسىنا قاتىستى ۇلتتىق قاۋىپسىزدىك كوميتەتىنىڭ 11 قىزمەتكەرى قىلمىستىق جاۋاپقا تارتىلىپ جاتىر. بۇل تۋرالى ءماجىلىستىڭ جالپى وتىرىسىندا قر ۇلتتىق قاۋىپسىزدىك كوميتەتى توراعاسىنىڭ ورىنباسارى مارات قالقاباەۆ ءمالىم ەتتى.

«قازىرگى كەزدە ۇلتتىق قاۋىپسىزدىك كوميتەتىندە 11 قىزمەتكەر قىلمىستىق جاۋاپكەرشىلىككە تارتىلىپ جاتىر. كەيبىر ىستەر بويىنشا تەرگەۋ اياقتالدى، كىنالىلەر قىلمىستىق جاۋاپكەرشىلىككە تارتىلدى. بۇل (قاڭتار وقيعاسى بويىنشا) قىلمىستىق قۋدالاۋعا بايلانىستى»، - دەدى م. قالقاباەۆ دەپۋتاتتاردىڭ سۇراعىنا جاۋاپ بەرە وتىرىپ.

وسى ورايدا سپيكەر قاڭتار وقيعاسىنان كەيىن كوميتەت قۇرامىندا ءتيىستى تەكسەرۋ جۇرگىزىلگەنىن ايتتى.

«سونىمەن قاتار، قاڭتار وقيعاسىنان كەيىن بىردەن ۇلتتىق قاۋىپسىزدىك كوميتەتى اۋقىمدى قىزمەتتىك تەكسەرىس جۇرگىزدى. وسى ورايدا بۇيرىق تالاپتارى مەن قىزمەتتى اتقارۋ تارتىبىنە، ونىڭ ىشىندە لاۋازىمدى تۇلعالاردىڭ جاۋاپكەرشىلىگىنە قاتىستى ەلەۋلى وزگەرىستەر ەنگىزىلدى. مۇنىمەن قوسا، بۇگىن تالقىلانىپ جاتقان زاڭ جوباسىندا ءار قىزمەتكەر ءىس-ارەكەتىنىڭ بەلگىلى ءبىر الگوريتمى مەن ءپاتريوتيزمدى تاربيەلەۋگە باعىتتالعان ءتيىستى تۇزەتۋلەر كوزدەلگەن»، - دەدى ۇقك وكىلى.

Abai.kz