بۇل اقپاراتتى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى اسەت ەرعاليەۆ بەردى. 

اگەنتىتك باسشىسىنىڭ ايتۋىنشا، قازاقستاندا جۇمىسسىزدارعا مىنا ساناتتاعى ادامدار جاتادى:

- تابىستى جۇمىسى جوقتار;

-جۇمىس ىزدەۋمەن بەلسەندى اينالىسىپ جۇرگەندەر;

- ءبىر اپتا ىشىندە جۇمىسقا كىرىسۋگە دايىن بولعان، 15 جاستان ۇلكەن ادامدار.

«جالپى جۇمىسسىزدار سانى تەك تىركەلگەن جۇمىسسىزداردى عانا ەمەس، ءوز بەتىنشە جۇمىس ىزدەۋشى جۇمىسسىزداردى دا قامتيدى. جۇمىسسىزدىق دەڭگەيى جۇمىس كۇشىندەگى جۇمىسسىزداردىڭ ۇلەسى رەتىندە ەسەپتەلەدى، پايىزبەن ولشەنەدى. جاستار اراسىنداعى جۇمىسسىزدىق دەڭگەيى دە وسىنداي جولمەن ەسەپتەلەدى. ەڭبەك جانە حالىقتى الەۋمەتتىك قورعاۋ مينيسترلىگىنىڭ جۇمىسپەن قامتۋ ورگاندارىندا 2022 جىلعى جەلتوقسان ايىنىڭ سوڭىنا 132,3 مىڭ جۇمىسسىز رەسمي تىركەلگەن. ولاردىڭ ۇلەسى جۇمىس كۇشىنىڭ 1,4%-ىن قۇرادى»، - دەپ جازادى اگەنتتىك باسشىسى.

اسەرت ەرعاليەۆتىڭ سوزىنشە، رەسمي تۇرىكەلگەن جۇمىسسىزدار بەيرەسمي ەكونوميكادا نەمەسە رەسمي ەكونوميكادا بەيرەسمي جاعدايدا نەمەسە ەكونوميكانىڭ تابىسى تومەن سالالارىندا، جەكە قوسالقى شارۋاشىلىقتاردا جۇمىس ىستەۋ ارقىلى كۇن كورۋى كەرەك.

«2022 جىلدىڭ قورىتىندىسى بويىنشا قازاقستان رەسپۋبليكاسى بويىنشا بەيرەسمي جۇمىسپەن قامتىلعاندار سانى 1151,1 مىڭ ادامدى قۇرادى»، - دەپ جازىلعان جاۋاپتا.

Abai.kz